Leviticus 7:37 - De Beebaa Dabu

³⁷ Aanei hainga o ssigidaumaha dudu, ma ssigidaumaha o grain, ma ssigidaumaha o haisala, ma ssigidaumaha o tagasala, ma ssigidaumaha o de hagadabu, aama ssigidaumaha hagadanuaa magavaa,

Leviticus 7:37 Referans Kwoze

Exodus 29:1

“Gai deenei dau hai e hagadabu ai gilaadeu e haia hegau a de gau haimeedabu. Gaavee dahi kaau daane ma e lua ssiibi daane e deai mee baubau i olaadeu angaanga,

Leviticus 6:20

“Deenei ssigidaumaha a Aaron ma ana dama daane e gaavange gi Tagi Maolunga i de laangi o tangada e hagadabu ai i de lolo: e dahi diba i diba e madaangahulu o dahi ephah o pelaoaa lligi bei ssigidaumaha o grain i de laa tubua, dahi luu baasi e hai ai sigidaumaha i taiao gai de baasi ange laa i de ahiahi.

Leviticus 1:1

Gai Tagi Maolunga ne hagahi Moses, ga basa ange gi de ia mai i de hale malo hagabuni, ga hai ange,

Exodus 29:22

Gai koe ga kave denga mee moomuna o ssiibi daane, ma de muli iai laa mee moomuna, ma denga mee moomuna e pigi ange laa gi denga dae, ma mee moomuna o de ade, ma luu kidney ma mee moomuna iai, ma de aalanga o de vae madau (i hiidinga go ssiibi gu hagadabu ai de gau haimeedabu).

Leviticus 5:7

Noo ia e dee maua i de gaamai dahi ssiibi gauligi, aagai ia gi gaamai gi Tagi Maolunga e lua manu kono aabe e lua pigeon e hai ai ssigidaumaha o mee aana ne hagahaisala laa; dahi luu manu nei e hai ai ssigidaumaha o haisala, gai dahi e hai ai ssigidaumaha dudu.

Leviticus 8:22

Ia ne gaamai hogi ssiibi daane ange laa, go ssiibi daane e hai ai de hagadabu; gai Aaron ma ana dama daane ga dugu ange olaadeu lima gi honga de biho o de manu laa.

Leviticus 8:23

Gai Moses ga daa gi magau de manu laa, ga kave hanu ono dodo ga hulu ange gi honga de hiihii talinga madau o Aaron, ma honga de madannia madua o dono lima madau, aama honga tabuvae madua i dono vae madau.