Leviticus 7:36 - De Beebaa Dabu

³⁶ De laangi laa gai Tagi Maolunga ne hagadaba, bolo de gau Israel gi gaavange de mee nei gi gilaadeu; de mee nei se hainga ange gi olaadeu atangada alodahi e loomai i muli.

Leviticus 7:36 Referans Kwoze

Leviticus 8:12

Gai ia ne llingi ange hogi hanu lolo hagadabu laa gi honga de biho o Aaron ga hagasulu ai aama de hagadabu ai ia.

Leviticus 8:30

Gai Moses ne kave hanu lolo hagadabu ma hanu dodo mai i honga de mommee o ssigidaumaha, ga hagatoo madaua ange gi honga o Aaron ma ono malo, ma honga o ana dama daane ma olaadeu malo. Gai ia ga hagadabu ai Aaron ma ono malo, aama ana dama daane ma olaadeu malo.

Leviticus 3:17

De mee nei se mee gu hagasauaa adu gi goodou ma oodou atangada alodahi, i mommee alodahi oodou e nnoho ai ga hano ai: goodou e dee gai donu denga mee moomuna ma dodo.’ ”

1 Samuel 2:28

Au ne hili ia mai i denga aamuli alodahi o Israel e hai ai dogu dangada haimeedabu, gai ia ga hai ai hegau i gaogao de mommee o ssigidaumaha, ma de dudu mee maanongi, ma de gahu i de ephod i mada luoogu mada. Gai au ne gaavange gi de aamuli o doo damana dahi duuhanga mai i denga sigidaumaha alodahi a de gau Israel.

Exodus 27:21

Gai de mee dugu laama e hagaduu i lo te hale malo hagabuni, i tua de malo e buibui ai laa de aabi o de ngavesi o de tala hagadonu; gai Aaron ma ana dama daane gi haulasia denga laama i mada luu mada o Tagi Maolunga, gi ula mai i de ahiahi ga dae ai gi taiao. De mee nei se hainga ange gi de gau Israel ma olaadeu atangada alodahi ga hano ai.