Leviticus 7:34 - De Beebaa Dabu

³⁴ Go hiidinga au gu kave de aalanga o de aloalo e daodaohia age laa ma de aalanga o de vae madau o ssigidaumaha hagadanuaa magavaa a de gau Israel, ma gu gaavange gi tangada haimeedabu go Aaron ma ana dama, e hai delaadeu duuhanga mai i daho de gau Israel ga hano ai.’ ”

Leviticus 7:34 Referans Kwoze

Deuteronomy 18:3

Gai deenei tuuhanga o de gau haimeedabu mai i daho dangada i de masavaa e hai ai alaadeu ssigidaumaha i dahi kaau aabe se ssiibi: gilaadeu e gaavange gi tangada haimeedabu de aalanga o de lima, ma luu galaahuu, aama tinae.

Leviticus 3:17

De mee nei se mee gu hagasauaa adu gi goodou ma oodou atangada alodahi, i mommee alodahi oodou e nnoho ai ga hano ai: goodou e dee gai donu denga mee moomuna ma dodo.’ ”

Exodus 29:9

ga noonooa olaadeu ungaalodo i mee noonooa, ma de noonooa ange denga goobai gi honga olaadeu biho. Gai gilaadeu ga hai ai hegau a tangada haimeedabu ga hano ai. Deenei dau hai e hagadabu ai Aaron ma ana dama daane.

Exodus 29:26

Gai koe ga kave hogi de aalanga o de aloalo ne hagadabu ai laa Aaron, ga daodaohi age i mada luu mada o Tagi Maolunga, e hai ai ssigidaumaha daodaohi age, gai de mee nei go doo duuhanga.

Leviticus 7:33

gai de aalanga o de vae madau go tuuhanga o tama daane a Aaron ne haia laa ssigidaumaha hagadanuaa magavaa i dodo ma mee moomuna.

Numbers 5:9

Gai mee alodahi a de gau Israel e daohi age ga gaamai gi tangada haimeedabu, ni mee dabu, gai mee nei nii tangada haimeedabu.

Numbers 8:11

gai Aaron gi gaavange denga daane de aamuli o Levi gi Tagi Maolunga, e hai ai ssigidaumaha daodaohi age mai i daho de gau Israel, gai gilaadeu ga hai ai hegau a Tagi Maolunga.

Numbers 6:20

Gai tangada haimeedabu gi daodaohia age mee nei, e hai ai ssigidaumaha daodaohi age i mada luu mada o Tagi Maolunga. Mee nei gu hagadabu ange e hai ai tuuhanga o tangada haimeedabu, madali de aalanga o de aloalo gu daodaohi age laa ma de aalanga o de vae ne hai ai laa sigidaumaha. Gai dua naa huu mee nei gai de Nazirite gu maua i de unu denga uvaini.