Leviticus 7:25 - De Beebaa Dabu

²⁵ Gai tangada e gaina mee moomuna o de manu e hai ai laa ssigidaumaha dudu ange gi Tagi Maolunga e vvae gee donu mai i daho ono dangada.

Leviticus 7:25 Referans Kwoze

Leviticus 7:20

Aagai tangada e gaina kano o ssigidaumaha hagadanuaa magavaa a Tagi Maolunga gai e hanu mee e dee gilimalali i de ia, tangada bee nei e vvae gee donu mai i daho ono dangada.

Leviticus 7:24

Gai mee moomuna o de manu ne ngadi magau laa, ma mee moomuna o de manu gu daia i dahi manu alasala, goodou e maua i de hai ai oodou hegau, aagai goodou e dee gai donu mee nei.

Leviticus 7:26

Goodou e dee alaange donu i de gai dodo o dahi manu lele aabe se manu dolodolo, i mommee alodahi oodou e nnoho ai.

Genesis 17:14

Gai taane e dee tuu dagaholiage laa e vvae gee donu mai i daho ono dangada; go hiidinga ia gu oha dagu hagatoo donu hagaheloongoi.”

Exodus 29:25

Gai koe ga ahe ange ga kave mee laa mai i lodo olaadeu lima, ga dudu madali ssigidaumaha dudu i honga de mommee o ssigidaumaha, e hai ai ssigidaumaha nnamu kala i mada luu mada o Tagi Maolunga. Mee nei se sigidaumaha e hai i de ahi ange gi Tagi Maolunga.

Leviticus 3:17

De mee nei se mee gu hagasauaa adu gi goodou ma oodou atangada alodahi, i mommee alodahi oodou e nnoho ai ga hano ai: goodou e dee gai donu denga mee moomuna ma dodo.’ ”

Leviticus 7:21

Noo tangada gu poo ange gi hanu mee dee gilimalali — e dee hilihili be go mee hakino gee o dangada, be go dahi manu hakino gee, aabe go dahi mee dee gilimalali e tolo i honga de gelegele — gai ia ga gai kano o de manu ne hai ai ssigidaumaha hagadanuaa magavaa a Tagi Maolunga, gai ia e vvae gee donu mai i daho ono dangada.’ ”

Leviticus 7:27

Gai be goai e gaina dodo, gai ia e vvae gee donu mai i daho ono dangada.’ ”