Leviticus 7:13 - De Beebaa Dabu

¹³ Ia gi gaamai hogi hanu duudangaa pelaoaa iai mee hagahua madali dana ssigidaumaha hagadanuaa magavaa.

Leviticus 7:13 Referans Kwoze

Amos 4:5

Haia ssigidaumaha e hagaahe ange de abodonu i pelaoaa hagahua, ma de tala tuhi oodou sigidaumaha ngadi gaavange — gai goodou ga tuhi ai goodou, de gau Israel, go hiidinga deenei doodou mee e llodo e hai, go de Ia Aamua go Iahweh e hagadaba.

Leviticus 23:17

Gai goodou ga gaamai, i oodou mommee nnoho, e dagilua duudangaa pelaoaa e daodaohi age, gai haia i e lua diba i diba e madaangahulu o dahi ephah pelaoaa lligi, ga labu i mee hagahua ga dao, aanei mee e gaavange gi Tagi Maolunga i denga hua i taamada.

1 Timothy 4:4

Mee alodahi a de Maadua ne hai e danuaa, gai e deai donu se mee daudahi tili gee, noo gidaadeu e kave ma de hagaahe ange ai de abodonu,

Matthew 13:33

Iesu ne tala ange hogi gi dangada dahi mee hagasengasenga, ga hai ange, “De nohoanga hodooligi o de langi e bei mee hagahua a dahi hahine e kave laa, ga hilo ange gi e dolu hagabaaunga pelaoaa mada, ga dae ai gi de hhua mee laa alodahi.”

Leviticus 2:12

Gai goodou e maua i de sigidaumaha ange mee nei gi Tagi Maolunga madali oodou huamanu e hagihagi i taamada, aagai mee nei e dee dudu i honga de mommee o ssigidaumaha bei ssigidaumaha nnamu kala.

Leviticus 23:18

Gai goodou ga gaamai madali luu duudangaa pelaoaa laa, e hidu ssiibi daane gu dagidahi olaadeu ngadau, gai e deai mee baubau i olaadeu angaanga, ma e dahi kaau daane gauligi, ma e lua ssiibi daane. Manu nei ni mee e hai ai ssigidaumaha dudu ange gi Tagi Maolunga, madali ssigidaumaha o denga grain ma ssigidaumaha o mee unu; go sigidaumaha e nnamu kala e hai i de ahi ange gi Tagi Maolunga.

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.