Leviticus 6:4 - De Beebaa Dabu

⁴ gai de masavaa naa huu o tangada e donu iho ai bolo ia gu haisala i dana hai mee nei, gai ia gi hagaahea ange mee aana ne gaiaa laa, be go mee aana ne kave laa i de vaivai dagodo, be go mee ne gaavange laa ia gi doange ina, be se mee ne tili gai ia ga gidee,

Leviticus 6:4 Referans Kwoze

Zephaniah 1:9

De laangi laa, gai au e hagaduasala naa dangada alodahi e dee llaga laa honga de laagau i ma te abaaba, go dangada e haoa de hale o olaadeu dangada aamua i goloa alaadeu e mau i de vaivai hai ma de daahanga dangada.

Micah 2:2

Gilaadeu e nnoo ange ma de hai gi de mahi denga alahenua, ma denga hale, ma de kave mee nei. Gilaadeu e vaivai hai tangada ma dono huaabodu, aama de boolonga o dono dangada.

Amos 3:10

“Gilaadeu e dee iloo de hai de mee heohi, go Tagi Maolunga e hagadaba. Gilaadeu e hagabudu mee alaadeu e gaiaa ma de vaivai hai ai dangada i lodo olaadeu mommee buibui makaga.”

Ezekiel 18:18

Aagai dono damana ne hai gi de mahi mee a dangada, ma de gaiaa mee a dono daina, aama de hai mee dee heohi i magavaa ono dangada; ia e magau naa i hiidinga ono haisala donu.

Ezekiel 18:12

gai e vaivai hai de gau hagaau aloha ma de duasala, ia e gaiaa, ia e dee hagaahe ange mee aana ne kave e hagadonu ai de hagao ana muli, ia e daumaha ange gi denga diinonga, gai ia e hai mee hakino gee,

Ezekiel 18:7

Ia e dee vaivai hai dahi dangada, aagai e hagaahe ange ana mee ne kave e hagadonu ai de hagao muli a tangada. Ia e dee gaiaa donu, aagai e gaavange ana gai gi gilaadeu e hiikai, ma de gaavange malo gi tangada e deai ono malo.

Isaiah 59:6

Alaadeu hale neveneve e dee maua i de hai ai malo; gai alaadeu hegau e dee maua i de buibui gilaadeu. Gai alaadeu hegau e baubau, gai alaadeu mee e hai go de vaivai hai dangada.

De Beebaa go Job 24:2

Hanu e ue denga hadu goinga o dangada, gilaadeu e kave denga ssiibi ga dugu i olaadeu mommee iai helii.

De Beebaa go Job 20:19

Go hiidinga ia ne vaivai hai ma de tili de gau hagaau aloha; ia ne hai gi de mahi denga hale aana tee hagaduu.

Genesis 21:25

Gai Abraham ne hagasee Abimelek, i hiidinga o dahi vai geli a de gau hai hegau o Abimelek gu kave laa.

Leviticus 24:18

Gai tangada e daia laa ga magau de manu dolodolo a dahi dangada gi suuia ange de manu gu magau laa i dahi manu mouli.

Leviticus 24:21

Tangada e daia ga magau de manu a dahi dangada gi sui ange de manu laa; aagai tangada e daia dahi dangada ga magau e daa donu hogi gi magau.

Numbers 5:7

gai ia gi daalaa dagodo o de baubau aana gu hai laa. Ia ga hagao ana mee ne hagadee heohi laa, ga hagapuni ange dahi diba i diba e lima gi mee laa, ga gaavange gi tangada oona ne haisala ange laa aagena.

Ezekiel 33:15

noo ia e hagaahe ange ana mee ne kave e hagadonu ai de hagaahe mai o ana mee, aabe e hagaahe ange ana mee ne gaiaa, ma de daudali i agu hainga gu hagasauaa e maua ai laa de mouli, ia e dee hai de baubau, gai ia e mouli donu, e dee magau.

Malachi 1:13

Goodou e hagataba bolo ni mee hagadaemaha, gai goodou e hagangadi mee mee nei, go Tagi o denga hagabuulinga hebagi e hagadaba. Goodou e gaamai oodou manu gu lagolagohia, ma oodou manu balagelage, aama manu mmagi e hai ai oodou sigidaumaha. E aha, goodou e maanadu bolo au e malangilangi i de kave mee nei mai i oodou daha? go Tagi Maolunga e hagadaba.

Leviticus 4:12

mee nei alodahi e kave gi tua de mommee nnoho gaainga gi dahi mommee gilimalali, e tili ai laa denga lehu, gai ia ga dudu ai i de ahi lahhie; go de mommee e llingi ai laa denga lehu e dudu ai mee nei.

Nehemiah 5:11

Ailaa nei gai goodou hagaahea ange olaadeu alahenua, ma alaadeu veelengaa grape, ma veelengaa olive, ma olaadeu hale, ma sseene, ma hua grain, ma uvaini hoou, ma lolo alodahi oodou gu hai naa gilaadeu gi hagao ina adu gi goodou.”

Ezekiel 44:19

Gai de masavaa naa huu olaadeu e ssao ai e hulo gi daho dangada i lo te buibui laa daha, gai gilaadeu gi hagauia malo olaadeu e hai ai laa alaadeu hegau, ga dugu i lodo aabi dabu laa; gai gi kahu i hanu malo gee ga hulo ai, gi dee paa ange ai dangada gi olaadeu malo dabu laa.