Leviticus 6:27 - De Beebaa Dabu

²⁷ Gai be goai naa huu e poo ange gi kano o de manu laa gai ia gu dabu hogi; gai noo hanu ono dodo gu ssii ange ga baalau ai dahi malo, gai koe daia de malo laa i dahi mommee dabu.

Leviticus 6:27 Referans Kwoze

Exodus 29:37

E hidu laangi aau e hagagilimalali ai ma de hagadabu de mommee o ssigidaumaha. Gai de mommee o ssigidaumaha e hai naa ga dabu mmao. Gai be se aha naa huu e hagabaa ange gi de mommee o ssigidaumaha, gai gu dabu hogi.

2 Corinthians 7:11

Goodou kalo ange diiloo mee a taemaha bei dagodo de hagatau a de Maadua gu hai i oodou lodo: go llodo mmahi, ma doodou llodo e hagaheohi goodou, ma de llili, ma de maatagu, ma de llodo mmao e tilo au, ma doodou hai hegau hagammahi, aama de hai gi sula de hagamodu heohi. Gai goodou gu hagaago mai bolo goodou e dee haisala donu i de mee nei.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Matthew 9:21

Go hiidinga ia ne hagadaba i ono lodo, “Noo au e poo ange dono malo, gai au e ieiangi donu.”

Haggai 2:12

‘Noo dahi dangada e hhao ange kano manu e hai ai ssigidaumaha gi lodo ono malo ga dagidagi ai, gai dono malo e baa ange gi pelaoaa, be go ssuba, be go uvaini, be go lolo, aabe go hanu gai ange laa, gai denga mee laa e hai naa hogi ga dabu?’ ” De gau haimeedabu ne hai ange, “Deai.”

Leviticus 11:32

Gai goloa alodahi e too ange hanu manu bee nei aagena i dua delaadeu maakau gu dee gilimalali; e dee hilihili be se goloa laagau be ni malo, be ni gili manu aabe ni beagi. Denga goloa nei e hagagilimalali i vai, gai e dee gilimalali ga dae ai gi de ahiahi; gai ga gilimalali ai.

Leviticus 6:18

Denga daane alodahi i de aamuli o Aaron e maua i de gai mee nei, bei de hai a Tagi Maolunga gu hagasauaa ange ai gi oodou atangada alodahi, ni mee mai i denga sigidaumaha e hai i de ahi. Be goai e poo ange gi mee nei gai ia gu dabu hogi.’ ”

Exodus 30:29

Gai koe ga hai mee nei gi dabu, gi dabu mmao ai; gai be se aha naa huu e baa ange gi mee nei, gai gu dabu hogi.

Matthew 14:36

ga dangidangi ange ia gi dugua ange denga magi gi boogia ange de bido o dono malo laa daha. Gai dangada alodahi ne boogia ange ono malo gu ieiangi.

Leviticus 7:19

Kano manu gu paa ange laa gi hanu mee dee gilimalali e dee gai donu, aagai e dudu i de ahi. Dangada alodahi e gilimalali laa e maua i de gai kano manu o ssigidaumaha e doe laa.

Ezekiel 44:19

Gai de masavaa naa huu olaadeu e ssao ai e hulo gi daho dangada i lo te buibui laa daha, gai gilaadeu gi hagauia malo olaadeu e hai ai laa alaadeu hegau, ga dugu i lodo aabi dabu laa; gai gi kahu i hanu malo gee ga hulo ai, gi dee paa ange ai dangada gi olaadeu malo dabu laa.