Leviticus 6:13 - De Beebaa Dabu

¹³ Gai de ahi i honga de mommee o ssigidaumaha e hai donu gi gaa i masavaa alodahi; e dee hai donu gi made.

Leviticus 6:13 Referans Kwoze

Leviticus 6:9

“Basa ange gi Aaron ma ana dama daane, hai ange: ‘Aanei hainga o ssigidaumaha dudu: ssigidaumaha dudu e dugu i honga de mommee o ssigidaumaha i de boo laa alodahi ga dae ai gi taiao age, gai de ahi i honga de mommee o ssigidaumaha e hai donu gi ula.

Leviticus 6:12

Gai de ahi i honga de mommee o ssigidaumaha e hai donu gi gaa i masavaa alodahi, e dee dugu gi made; gai tangada haimeedabu gi gaavange lahhie gi honga de ahi i denga daiao alodahi, ga hagatau ange mee o ssigidaumaha dudu gi ono elunga, gai ia ga dudu ai denga mee moomuna o ssigidaumaha hagadanuaa magavaa.

Leviticus 6:14

“ ‘Aanei hainga o ssigidaumaha o grain. Go denga dama daane a Aaron e gaamai ssigidaumaha nei gi de mommee o ssigidaumaha, i mada luu mada o Tagi Maolunga.

Ezekiel 40:46

gai de aabi e huli gi ngaiho niio de gau haimeedabu e haia hegau i de mommee o ssigidaumaha. Gilaadeu nei go dama daane o Zadok, gai go gilaadeu donu huu mai denga aamuli o Levi, e maua i de loomai e hagapaa ange gi Tagi Maolunga, e hai ai hegau i mada luoono mada.”

Exodus 29:1

“Gai deenei dau hai e hagadabu ai gilaadeu e haia hegau a de gau haimeedabu. Gaavee dahi kaau daane ma e lua ssiibi daane e deai mee baubau i olaadeu angaanga,

Exodus 29:2

ma hanu pelaoaa dee hagahua, ma hanu keege dee hagahua e labu ma lolo, ma hanu besgede e dee hagahua ma de hulu ange lolo aagena. Gai koe haia mee nei i pelaoaa o denga grain gu mmili ma gu lligi.

Exodus 29:40

Gai ga hagahidi hogi e dahi diba i diba e madaangahulu o dahi ephah pelaoaa lligi gu hilo ma dahi diba i diba e haa o dahi hin lolo ne tugi, aama dahi diba i diba e haa o dahi hin uvaini e hai ai ssigidaumaha o mee unu.

Leviticus 9:24

De ahi gu hano iho i daho Tagi Maolunga ga dudu ssigidaumaha dudu ma mee moomuna, i honga de mommee o ssigidaumaha laa. Gai de masavaa huu a dangada alodahi ne gidee ai de mee laa, gai gilaadeu ga hevaalogi, ga ino gi honga de gelegele.

Isaiah 31:9

Delaadeu mommee buibui makaga e lilo naa i hiidinga o de mee hagamaatagu; gai olaadeu dagi e maatagu naa i delaadeu gidee de hagailonga o de hebagi,” go Tagi Maolunga e hagadaba, go de ia niiana de ahi i Zion, go de ia niiana de ahi ula mmahi i Jerusalem.