Leviticus 5:7 - De Beebaa Dabu

⁷ Noo ia e dee maua i de gaamai dahi ssiibi gauligi, aagai ia gi gaamai gi Tagi Maolunga e lua manu kono aabe e lua pigeon e hai ai ssigidaumaha o mee aana ne hagahaisala laa; dahi luu manu nei e hai ai ssigidaumaha o haisala, gai dahi e hai ai ssigidaumaha dudu.

Leviticus 5:7 Referans Kwoze

Leviticus 12:8

Gai noo ia e dee maua i de gaamai dahi ssiibi, gai ia gi gaamai e lua manu kono, aabe e lua pigeon, dahi e hai ai ssigidaumaha dudu, gai de manu ange laa e hai ai ssigidaumaha o haisala. Gai tangada haimeedabu ga hai ai ssigidaumaha e tala ai ono haisala, gai ia gu gilimalali.’ ”

Matthew 10:16

“Tilo, au e hai goodou gi hulo bei dagodo o denga ssiibi i magavaa o denga wolf. Deenei ai, goodou gi heiangi bei denga labodo, gai gi daudonu bei dagodo o denga manu kono.

2 Corinthians 8:12

Go hiidinga noo tangada gu baba ange, gai ia gi gaavange gi bei mee e hanu i ono daha, e dee go mee e deai i ono daha.

Matthew 3:16

Dua huu de babudaisi o Iesu ga ea age i lo te vai, gai tilo, gu mahuge ange de langi gi de ia, gai ia gu gidee de Hagasaalunga o de Maadua e hano iho, bei dahi manu kono ga doga ange gi ono elunga.

Leviticus 14:31

dahi e hai ai ssigidaumaha o haisala, gai dahi e hai ai ssigidaumaha dudu, madali ssigidaumaha o grain. Deenei de hai a tangada haimeedabu ga tala ai haisala o tangada e hagagilimalali laa i mada luu mada o Tagi Maolunga.”

Luke 2:24

Gai gilaadeu ne hulo hogi e hai dahi ssigidaumaha bei de hai gu sisi ai laa i de hainga a Tagi Maolunga, “e lua manu kono, aabe e lua pigeon gauligi.”

Leviticus 16:5

Gai ia gi gaavee mai i daho de gau Israel, e lua guudi daane e hai ai ssigidaumaha o haisala, ma e dahi ssiibi daane e hai ai ssigidaumaha dudu mai.

Leviticus 15:30

Gai tangada haimeedabu gi haia ssigidaumaha o haisala i dahi manu lele laa, gai dahi e hai ai ssigidaumaha dudu. Deenei de hai a tangada haimeedabu e tala ai haisala o de hine laa i mada luu mada o Tagi Maolunga, i hiidinga o mee dee gilimalali ne ssali mai laa i de ia.

Leviticus 9:3

Gai koe basa ange gi de gau Israel hai ange, ‘Goodou gaavee dahi guudi daane e hai ai ssigidaumaha o haisala, ma dahi kaau gauligi ma dahi ssiibi gauligi gu dagidahi olaau ngadau, gai e deai mee baubau i olaau angaanga e hai ai ssigidaumaha dudu,

Leviticus 5:11

Aagai noo ia e dee maua i de hagao e lua manu kono aabe e lua pigeon, gai ia gi gaamai e dahi diba i diba e madaangahulu o dahi ephah pelaoaa lligi e hai ai sigidaumaha o ono haisala; gai ia gi dee gaavange lolo be go frankincense aagena, go hiidinga deenei ssigidaumaha o haisala.

Matthew 21:12

Gai Iesu ne ulu gi lo te buibui o de temple ga alualu ai de gau hagao mee alodahi i lo te buibui o de temple, ma de hagaabongi denga deebele o dangada e seenisi ina sseene, ma seaa o dangada e hagao ina manu kono.

Leviticus 7:1

“ ‘Aanei hanu hainga o ssigidaumaha o tagasala, gai e dabu mmao:

Leviticus 12:6

Gai de masavaa naa huu e odi ange ai ono laangi e hai ai gi gilimalali, i dua dana gauligi daane be go dana gauligi hine, gai ia gi gaamai gi tangada haimeedabu i de haitoga o de hale malo hagabuni dahi ssiibi daane gu dahi ono ngadau e hai ai ssigidaumaha dudu, ma dahi pigeon aabe se manu kono e hai ai ssigidaumaha o haisala.

Leviticus 14:30

Gai tangada haimeedabu laa gi haia ssigidaumaha i luu manu kono laa aabe go luu pigeon a tangada laa ne mau mai;

Numbers 5:6

“Daalaa ange gi de gau Israel, hai ange, ‘De masavaa naa huu a dahi daane be se hine e haisala ange ai gi dahi dangada, i hiidinga dono dee hai hegau i de muna abodonu ange gi Tagi Maolunga, gai ia e haisala donu,

Numbers 6:10

Gai de valu laangi, ia gi gaamai e lua manu kono be lua pigeon gi daho tangada haimeedabu i de haitoga o de hale malo hagabuni.

Numbers 6:11

Gai tangada haimeedabu gi daia dahi manu laa gi haia ai ssigidaumaha o haisala, gai de manu ange laa ga hai ai ssigidaumaha dudu, e tala ai ono haisala, i hiidinga ia gu haisala i dono baa ange gi tangada magau. Gai ia gi vaaea gee dono biho gi haia gi dabu i de laangi laa donu huu,

Leviticus 27:8

Gai noo tangada ne haia de hagatoo donu e dee maua i de hagao, i hiidinga ia e hagaau aloha, gai ia gi gaamai tangada laa gi daho tangada haimeedabu, gai tangada haimeedabu gi hagabau ina ange de mee a tangada laa e maua i de hagao.