Leviticus 3:1 - De Beebaa Dabu

¹ “ ‘Noo dahi dangada e gaamai dana ssigidaumaha hagadanuaa magavaa, i dahi ana kaau, e dee hilihili be se manu daane be se manu hahine, gai ia gi gaamai dahi manu e deai mee baubau i dono angaanga, gi mada luu mada o Tagi Maolunga.

Leviticus 3:1 Referans Kwoze

Numbers 6:14

ma dahi mee ngadi gaavange ange gi Tagi Maolunga: e dahi ssiibi daane gu dahi laa ono ngadau, gai e deai mee baubau i dono angaanga, e hai ai ssigidaumaha dudu, ma dahi ssiibi hahine e deai mee baubau i dono angaanga, gu dahi laa ono ngadau, e hai ai ssigidaumaha o haisala, ma dahi ssiibi daane, e deai mee baubau i dono angaanga, e hai ai ssigidaumaha hagadanuaa magavaa,

Leviticus 1:3

Gai noo ia e hai dana sigidaumaha dudu i dahi manu mai i dana hagabuulingaa manu haangai, gai ia gi gaamai dahi manu daane e deai laa mee baubau i dono angaanga, ga hai ai dana sigidaumaha i de haitoga o de hale malo hagabuni, gi malangilangi ai Tagi Maolunga.

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

Amos 5:22

Gai ga gaamai naa donu e goodou denga sigidaumaha dudu ma sigidaumaha o grain, gai au e dee malangilangi ai donu. Gai ga gaamai naa donu e goodou denga sigidaumaha hagadanuaa magavaa i oodou manu gu haangai gi pedi, gai au e dee anga ange naa donu gi mee nei.

Colossians 1:20

gai de Maadua ne malangilangi i de hagadanuaa olaadeu magavaa ma mee alodahi e dee hilihili be go mee i henua i lalo aabe go mee i de langi, ga hai ai gi maua de nnoho paba i dodo o Klisdo i honga de laagau lui.

Malachi 1:14

E malaia tangada gu hagatoo donu bolo ia e hai dana sigidaumaha i dahi ana ssiibi daane, aagai ne sigidaumaha ange gi de Ia Aamua i dahi manu e hanu mee baubau i dono angaanga. Go hiidinga au se Hodooligi maolunga, gai dogu ingoo se ingoo hagamaatagu i daho denga huaahenua, go Tagi o denga hagabuulinga hebagi e hagadaba.

Malachi 1:8

Goodou e gaamai denga manu dee kide e hai ai oodou sigidaumaha; e aha, e dee se hegau dee heohi deenei? Goodou e hai oodou sigidaumaha i denga manu mmagi ma manu balagelage; e aha, se hegau heohi deenei? Goodou gaavange muhuu mee naa gi doodou goobenaa, gai goodou ga tilo be ia e malangilangi laa be deai! E aha, ia e malangilangi naa i goodou? go Tagi o denga hagabuulinga hebagi e hagadaba.

Ezekiel 45:15

Goodou e aau gee hogi dahi ssiibi mai i denga lualau ssiibi alodahi, i denga mommee iai helii o Israel. Ssiibi nei ni mee e hai ai ssigidaumaha madali denga grain, ma ssigidaumaha dudu, aama ssigidaumaha hagadanuaa magavaa, e tala ai haisala o dangada, go de Ia Aamua go Iahweh e hagadaba.

Proverbs 7:14

“Au ne hai ssigidaumaha hagadanuaa magavaa anailaa nei, gai au gu lava i de hagassula agu mee gu hagatoo donu ai.

1 Chronicles 21:26

Gai David ga hagaduu dahi mommee o ssigidaumaha ange gi Tagi Maolunga i kilaa, ga hai ai denga sigidaumaha dudu ma sigidaumaha hagadanuaa magavaa. Gai ia ga dalodalo ange gi Tagi Maolunga, gai Tagi Maolunga ga basa ange gi dana dangidangi, ga hai gi hano iho de ahi mai i de langi gi duungia ssigidaumaha dudu laa.

Judges 21:4

De laangi i ono dua i taiao, gai dangada ne bae dahi mommee o ssigidaumaha, ga hai ai ssigidaumaha dudu ma ssigidaumaha hagadanuaa magavaa.

Judges 20:26

Gai de gau Israel ma dangada alodahi ne loage gi Bethel ga nnoho ai ga tangi i mada luu mada o Tagi Maolunga. Gilaadeu ne hagahiikai i de laangi laa alodahi, ma de hai denga sigidaumaha dudu, ma sigidaumaha hagadanuaa magavaa i mada luu mada o Tagi Maolunga.

Numbers 7:17

gai ange gi ssigidaumaha hagadanuaa magavaa: e lua kaau daane, ma e lima ssiibi daane, ma e lima guudi daane, aama e lima ssiibi daane gu dagidahi laa olaadeu ngadau. Deenei ssigidaumaha a Nahshon, tama daane a Amminadab.

Leviticus 17:5

De hainga nei se hai, gi gaamai ai e de gau Israel alaadeu manu sigidaumaha, e daa laa i lo te duu malaelae gi daho Tagi Maolunga, ma tangada haimeedabu i de haitoga o de hale malo hagabuni, ga daa ai alaadeu manu e hai ai ssigidaumaha e hagadanuaa ai olaadeu magavaa ma Tagi Maolunga.

Exodus 29:28

Tuuhanga nei se mee mai i daho de gau Israel ange gi Aaron ma ana dama daane ga hano ai. Deenei tuuhanga o de gau haimeedabu a de gau Israel e gaavange mai i alaadeu sigidaumaha hagadanuaa magavaa; deenei delaadeu sigidaumaha ange gi Tagi Maolunga.

Exodus 24:5

Gai ia ga hai hanu dama daane mai i de gau Israel gi haia ssigidaumaha dudu, aama ssigidaumaha hagadanuaa magavaa i hanu kaau daane ange gi Tagi Maolunga.

Exodus 20:24

Goodou haia dahi mommee o ssigidaumaha i gelegele, ga hai ai oodou sigidaumaha dudu, ma oodou sigidaumaha hagadanuaa magavaa i oodou ssiibi ma guudi aama kaau. Gai be go hee naa huu aagu e hai gi hagadubu ina ai dogu ingoo, gai au e humai naa ga hagamanuuia goe.

Leviticus 3:6

Noo ia e hai dana sigidaumaha hagadanuaa magavaa ange gi Tagi Maolunga i dahi ssiibi be se guudi, e dee hilihili be se manu daane be se manu hahine, gai ia gi haia gi se manu e deai mee baubau i dono angaanga.

Leviticus 9:18

Gai ia ga daa de kaau daane ma ssiibi daane laa ga hai ai ssigidaumaha hagadanuaa magavaa ange gi dangada; gai dana dama daane ga gaavange gi de ia denga dodo, gai ia ga dabudabui ange gi luu baasi de mommee o ssigidaumaha.

Numbers 7:59

gai ange gi ssigidaumaha hagadanuaa magavaa: e lua kaau daane, ma e lima ssiibi daane, ma e lima guudi daane, aama e lima ssiibi daane gu dagidahi laa olaadeu ngadau. Deenei ssigidaumaha a Gamaliel, tama daane a Pedahzur.

Numbers 15:8

Gai de masavaa naa huu aau e daa ai dahi kaau daane e hai ai ssigidaumaha dudu, aabe go dahi sigidaumaha ange laa, e hagasula ai dau hagatoo donu, aabe go sigidaumaha hagadanuaa magavaa ange gi Tagi Maolunga,

Deuteronomy 12:27

Gai koe ga hai ai denga sigidaumaha dudu, i denga kano ma dodo, i honga de mommee o ssigidaumaha a Tagi Maolunga doo Maadua. Gai koe ga llingi ange dodo o au sigidaumaha gi honga de mommee o ssigidaumaha a Tagi Maolunga doo Maadua, aagai koe e maua i de gai denga kano.

Ezekiel 43:27

Gai ga odi ange naa huu laangi e hidu nei, gai mai i de hagavalu laangi, gai de gau haimeedabu gi haia denga sigidaumaha dudu, ma sigidaumaha hagadanuaa magavaa i honga de mommee o ssigidaumaha. Gai au e malangilangi naa i goodou, go de Ia Aamua go Iahweh e hagadaba.”

Leviticus 1:10

Gai noo tangada e gaamai dahi ssiibi be se guudi e hai ai dana sigidaumaha, gai ia gi hilia mai dahi manu daane e deai laa mee baubau i dono angaanga.

Leviticus 9:4

ma dahi kaau daane ma dahi ssiibi daane e hai ai ssigidaumaha hagadanuaa magavaa i mada luu mada o Tagi Maolunga, madali dahi sigidaumaha o grain e hilo laa maa lolo; i hiidinga ailaa nei gai Tagi Maolunga e hakide adu naa gi goodou.’ ”