Leviticus 26:43 - De Beebaa Dabu

⁴³ Aagai gilaadeu e hulo gee naa i de henua, gai de henua e hagamabu naa i de masavaa olaadeu e dee nnoho ai i kilaa; gai gilaadeu ga hagauda de hagaduasala i hiidinga olaadeu haisala, go hiidinga gilaadeu ne tili agu hagamodu, gai ne kino i agu muna gu hagasauaa.

Leviticus 26:43 Referans Kwoze

Romans 8:7

Go hiidinga maanadu a de angaanga e hagadaumee ange donu gi de Maadua, ma tee hagallongo ange gi hainga a de Maadua, gai e dee maua donu i de hai mee nei.

Leviticus 26:15

gai noo goodou e hagangadi mee agu muna gu hagasauaa, ma de kino i agu hagamodu ma tee daudali i agu hainga alodahi ga oha ai dagu hagatoo donu hagaheloongoi,

John 7:7

Henua i lalo e dee kino i goodou, aagai e kino i de au, go hiidinga au e tala bolo hegau e hai i henua i lalo e baubau.

Zechariah 11:8

Gai au ne daa ga maakau de gau hagaloosi dogodolu laa i e dahi malama. Au tee maua de golomagi ogu lodo i gilaadeu, gai gilaadeu ne kino i de au.

Amos 5:10

goodou e kino i tangada hagaseegina dangada i de haitoga, ma de kino i tangada e daalaa de muna abodonu.

Daniel 9:14

Deenei ai, Tagi Maolunga ne dagitilo e gaamai de hai ngadaa gi gidaadeu; go hiidinga Tagi Maolunga taadeu Maadua e heohi donu ana hegau alodahi gu hai; aagai gidaadeu tigi hagallongo ange gi de ia.

Jeremiah 31:19

Dua dogu huli gee i de goe, gai au ne dahuli ogu lodo; dua dogu agoagona ga donu ange, gai au ne hagailiili ogu hadahada ⌊i dogu daemaha⌋. Au ne dogaa ma de hagadogaa ina, i hiidinga o ogu baubau i de masavaa oogu e dama daane ai.’

Isaiah 26:16

Tagi Maolunga, gilaadeu ne ssala goe i delaadeu duasala; dau masavaa ne haele ai gilaadeu, gai gilaadeu ne dalodalo adu gi de goe.

Psalm 119:75

Tagi Maolunga, au e iloo bolo au hagamodu e heohi, gai koe ne hagaduasala ngau i hiidinga doo hai hegau i de abodonu.

Psalm 119:71

Gai ne haigamaiana donu dogu hagaduasala, gai au ga agoago ai i au hainga gu hagasauaa.

Psalm 119:67

I mua dogu hagaduasala gai au ne haisala; iainei gai au gu daohi au muna.

Psalm 50:17

Koe e kino i dagu hagaheohi adu goe, gai koe e dee anga ange gi agu muna.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

De Beebaa go Job 5:17

Tilo, e manuuia tangada a de Maadua e hagaheohi, deenei ai, aude hagangadi mee ina de haelenga a de Ia Mmahi Mmao laa.

2 Chronicles 33:12

Gai de masavaa huu oona ne duasala ai, gai ia ga dalodalo ange gi Tagi Maolunga dono Maadua i de bale, ma de hagamaolalo i mada luu mada o de Maadua o ono dubuna madagidagi.

Leviticus 26:41

mee nei gu hai gi hai baasi ange au gi gilaadeu, gai au ne kave gilaadeu gi de henua o olaadeu hagadaumee — gai de masavaa naa huu e hagamaolalo ai olaadeu lodo, gai gilaadeu ga hagaduasala i hiidinga olaadeu haisala,

Leviticus 26:30

Gai au e oha naa oodou mommee daumaha, ma de duuduu iho oodou mommee e sigidaumaha ai mee maanongi, ma de maga ange oodou angaanga gu maakau gi honga oodou diinonga; gai au e kino naa i goodou.

Leviticus 26:11

Gai au e hai naa dogu mommee noho i oodou magavaa, au gu dee kino i goodou.

Deuteronomy 32:36

Tagi Maolunga e hagamodu naa dagodo o ono dangada, ma de lodo aloha ange gi ono dangada hai hegau, i de masavaa aana e gidee ai teai olaadeu mahi, gai gu deai dangada hai hegau aabe ni dangada ilaage e doe.

2 Chronicles 36:21

Gai de gelegele o de henua ne hagamabu danuaa; masavaa alodahi o de henua ne ngadi dagodo ai, gai de gelegele ne hagamabu hogi, ga dae ai gi de odi ange de madahidu ngadau, e hagassula ai muna a Tagi Maolunga gu tala laa i daho Jeremiah.