Leviticus 26:32 - De Beebaa Dabu

³² Au e oha naa gi maoha doodou henua, gai oodou hagadaumee e nnoho laa i kilaa, e llele naa olaadeu mouli i ono dagodo.

Leviticus 26:32 Referans Kwoze

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”

Jeremiah 25:11

Gai de henua nei alodahi e hai naa ga deai dangada e nnoho ai gai se mommee e ngadi dagodo, gai denga huaahenua nei e hai hegau ange naa gi de hodooligi o Babylon i e madahidu ngadau.

Jeremiah 19:8

Gai au e hai naa de aduhale nei gi se mee hagamaatagu, ma de llele ai mouli o dangada. Dangada alodahi e seesee mai laa kilaa e llele mouli naa ga hagavogi i de maoha o de mommee laa.

Jeremiah 18:16

Gai delaadeu henua e hai naa ga se mee hagamaatagu, gai se mommee e hagavogivogi ai dangada i de lele olaadeu mouli ga hano ai; gai dangada alodahi e seesee laa kilaa e geugeu naa olaadeu biho i delaadeu llele olaadeu mouli i ono dagodo.

Ezekiel 5:15

Koe e hagangadi mee ina naa ma de tala hakadanga i daho dangada, gai se mee hagamaatagu ange gi denga huaahenua e paa adu gi de goe, i de masavaa aagu e hagaduasala ai goe i dogu lili ma de bole aama de kona dagu hagasee goe — go au donu go Iahweh e hagadaba —

Jeremiah 25:18

go Jerusalem ma aduhale alodahi o Judah, ma denga hodooligi ma dagi i kilaa, gai ia ga oha ai mommee nei ga hai gi ngadi daakodo, ma de hai gi ni mommee hagamaatagu, ma de llele ai mouli o dangada aama de hagamalaia, bei delaadeu hai gu daakodo ai anailaa nei;

1 Kings 9:8

Gai de hale nei e bei naa dagodo dahi hagabuudungaa mee maoha; gai dangada alodahi e loomai laa ono gaogao e llele naa olaadeu mouli ma de kada ga hagataba, ‘Gu aha Tagi Maolunga gu hai ai nei de henua ma de hale nei bee nei?’

Deuteronomy 28:37

Gai koe e hai naa ga se mee e maatagu ai dangada, ma de pasa hagasengasenga ai ma de hakadanga ai dangada o denga huaahenua a Tagi Maolunga e hai goe gi hano aagena.

Luke 21:20

“De masavaa naa huu oodou e gidee ai Jerusalem gu duuli ina i denga hagabuulinga hebagi, aagai goodou gi iloo bolo gu dai oha de aduhale.

Habakkuk 3:17

Gai e dee galemu naa donu teai huaala o de fig, gai gu deai hogi grape i denga grapevine, gai e dee galemu naa donu teai hua o de olive, ma teai gai e ssomo i honga denga veelenga, gai e dee galemu naa donu teai ssiibi i lodo buibui manu, ma teai kaau i lodo buibui e dugu ai manu,

Daniel 9:18

Dogu Maadua, hagahuuhulia mai luoo dalinga hagalaangona; gai huli mai luoo mada diiloo de ngadi dagodo o de aduhale e hagaingoo laa i doo ingoo. Gai e deai donu omaadeu heohi e maua ai i de dangidangi adu gi de goe i dahi mee, aagai go hiidinga donu huu o doo degi laumalie.

Daniel 9:2

tahi ngadau oona ne hodooligi ai, gai au ne daulia ange i lodo beebaa taelodo o ngadau o Jerusalem e ngadi dagodo ai, bei de hai a Tagi Maolunga gu tala ange ai laa gi de pelaabisi go Jeremiah, bolo taulooloa o de masavaa laa se madahidu ngadau.

Lamentations 5:18

De mounga go Zion gu ngadi dagodo, denga jackal gu nnoho i kilaa.

Lamentations 4:12

Denga hodooligi o henua i lalo tee hagadonusia, dangada e nnoho i henua i lalo tee hagadonusia hogi, bolo denga hagadaumee ma dangada e kino i Jerusalem e maua i de ulu i ono haitoga.

Jeremiah 44:22

Gai Tagi Maolunga tee maua i de golomagi ono lodo i hiidinga o oodou dahulinga baubau ma de hakino gee ne hai. Gai doodou henua gu se mommee e ngadi dagodo, gu se muna hagamalaia, ma teai dangada e nnoho ai, bei ono dagodo anailaa nei.

Jeremiah 44:2

“E hagadaba Tagi o denga hagabuulinga hebagi, de Maadua o Israel: Goodou ne gidee de hai ngadaa laumalie aagu ne hai gi humai gi Jerusalem, ma denga aduhale alodahi o Judah. Gai tilo, anailaa nei gai denga mommee laa gu maoha ma e daakodo ai,

Jeremiah 25:38

Ia gu bei dagodo o de laiono e hano gee laa i dono hale, gai delaadeu henua gu maoha ma gu ngadi dagodo, i hiidinga o de gadilaasa a tangada daa dangada, ma hiidinga o de lili o Tagi Maolunga.

Isaiah 64:10

Oo aduhale dabu gu hai ma gu se vao, Zion gu bei hogi dagodo o dahi lodo henua, gai Jerusalem gu ngadi dagodo.

Isaiah 24:1

Tilo, Tagi Maolunga e oha naa henua i lalo ga hai gi se mommee e ngadi dagodo; ia e oha naa ono elunga ga hai gi mavaevae saele dangada iai.

Isaiah 6:11

Gai au ne ssili ange, “De Ia Aamua, dee hee maa taulooloa de hai mee nei?” Ia ne hai mai: “Mee nei e hai ga dae ai gi de odi aduhale alodahi i de oha gai gu deai dangada e nnoho ai, ga dae ai gi teai dangada e doe i denga hale i kilaa, gai de henua gu ngadi dagodo;

Isaiah 5:9

Tagi o denga hagabuulinga hebagi gu hagatoo donu ma gu langona e au: “Ni muna abodonu, denga hale nnui e ngadi daakodo naa, gai denga hale danuaa e deai naa dangada e nnoho ai.

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

Jeremiah 12:11

Gilaadeu gu hai de henua ma gu ngadi henua, gu ngadi dagodo ma de dangi mai gi de au. De henua alodahi gu se ngadi mommee, aagai gu deai donu dangada e anga ange aagena.

Jeremiah 33:10

Gai e hagadaba Tagi Maolunga: Goodou e hagataba i dagodo o de mommee nei, ‘Se mommee e ngadi dagodo, gai e deai dangada ma manu dolodolo iai.’ E heohi, aduhale o Judah ma haiava o Jerusalem e ngadi daakodo, ma teai dangada aabe ni manu dolodolo iai. Aagai e aahe ange naa ga langona