Leviticus 26:23 - De Beebaa Dabu

²³ Gai noo de hagaduasala nei e dee maua i de hai goodou gi aahe mai gi de au, aagai goodou e duudagi huu de hai baasi mai gi de au,

Leviticus 26:23 Referans Kwoze

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Jeremiah 2:30

Teai donu haigamaiana dagu haele oodou dama, gilaadeu tee aanga mai gi agu muna hagaheohi. Oodou gadilaasa ne daa ga maakau oodou pelaabisi bei dagodo o dahi laiono hiigai.

Leviticus 26:21

Noo goodou e hai baasi mai gi de au, ma tee llodo e hagallongo mai gi de au, gai au e hai gi hidu hanonga, e lagolago ange ai mee hagamaakau e paa i goodou, ma de hai gi bei dagodo o oodou haisala.

2 Samuel 22:27

Koe e hai hegau i de gilimalali ange gi gilaadeu e gilimalali, aagai e hagaago ange gi de gau vaivai daakodo doo alasala.

Psalm 18:26

Koe e hai hegau i de gilimalali ange gi gilaadeu e gilimalali, aagai e hagaago ange gi de gau vaivai daakodo doo alasala.

Daniel 9:13

Denga hai ngadaa nei alodahi gu hai mai gi gimaadeu, bei de hai gu sisi ai laa i lodo hainga a Moses, aagai gimaadeu tigi dangidangi donu Tagi Maolunga demaadeu Maadua, gi abodonu mai, aabe e daahuli gee i omaadeu baubau, ma de kana ange e hagallongo de muna abodonu.