Leviticus 26:19 - De Beebaa Dabu

¹⁹ gai au e hai naa gi deai se mmahi oodou e hagamaolunga ai naa, gai au e hai naa lo te langi gi bei dagodo o de iron, gai de gelegele o doodou henua gu makaga bei de bronze.

Leviticus 26:19 Referans Kwoze

Deuteronomy 28:23

Lo te langi i lunga e bei naa dagodo o de bronze, gai honga de gelegele e bei naa dagodo o de iron.

1 Kings 17:1

Gai Elijah, taane Tishbe mai i Gilead, ne hai ange gi Ahab, “Au e hagatoo donu adu gi de goe i de mouli o Tagi Maolunga, de Maadua o Israel, go de ia oogu e hai hegau ange nei aagena, bolo e deai naa donu se mee maluulu aabe se langi e pala i hanu ngadau, gai go dagu hagadaba donu huu bolo ga hai mee nei.”

Luke 4:25

Ni muna abodonu aagu e tala adu nei gi goodou, ne soa haahine gu maakau olaadeu bodu i Israel i de masavaa o Elijah, i de masavaa tee pala ai de langi i e dolu ngadau ma e ono malama, ma de hai ai de onge laumalie i honga de henua,

Zephaniah 3:11

De laangi laa, gai koe e dee dogaa naa, i hiidinga o au hegau, go mee oou ne haisala mai ai gi de au, go hiidinga au e kave gee mai naa i oo daha de gau pasa hagamaolunga. Gai koe e dee aahe ange e hagamaolunga i honga dogu mounga dabu.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Ezekiel 30:6

E hagadaba Tagi Maolunga: Dangada e balea ange Egypt e daa donu gi maakau, gai mahi o Egypt e hagamaolunga ai laa e hagadeai naa. Gilaadeu e maakau naa i de gadilaasa i honga de henua, mai i Migdol ga hano ai gi Syene, go de Ia Aamua go Iahweh e hagadaba.

Jeremiah 13:9

“E hagadaba Tagi Maolunga: De mee nnoa naa gu bei donu dagu hai e oha ai de mee o Judah e hagasoenga ai laa, aama de mee o Jerusalem e hagasoenga ai laa.

Isaiah 25:11

Gai Moab e haalo ange naa luoono lima i de masavaa laa bei de haalo a tangada luoono lima e kau. Gai de Maadua e kave gee naa mee olaadeu e hagamaolunga ai laa ma de hai gi deai haigamaiana hegau e hai i olaadeu lima.

1 Samuel 4:11

Gai de ngavesi a de Maadua gu gaavee; gai luu dama daane a Eli, Hophni ma Phinehas, gu maakau.

Ezekiel 7:24

Gai au e gaamai naa de gau baubau hugadoo i denga huaahenua gi gaavee olaadeu hale gi nnoho ai; gai au e hai naa gi deai se hagamaolunga o olaadeu daane mmahi, ma de hai gi dee gilimalali olaadeu mommee daumaha.

Isaiah 26:5

Ia gu hagamaolalo gilaadeu e nnoho i de mommee maolunga, ma de hai gi maolalo de aduhale maolunga; ia e oha iho naa ga hai gi dagodo i honga de gelegele, ma de maga iho gi lo te gelegele.

Isaiah 2:12

Tagi o denga hagabuulinga hebagi gu hagadabena dahi laangi ange gi gilaadeu alodahi e llodo maolunga ma de hagamaolunga, ma gilaadeu e hagaamua ina gilaadeu, (gai gilaadeu alodahi e hai naa ga maolalo),

1 Samuel 4:3

Gai de masavaa o denga daane hebagi ne aahe mai ai gi de mommee nnoho gaainga, gai dagi o Israel ga ssili, “Gu aha Tagi Maolunga gu dugu ange ai nei de gau Philistia, gi hagadee kii ina gidaadeu anailaa nei? Gidaadeu ga gaamai de ngavesi o de hagatoo donu hagaheloongoi a Tagi Maolunga i Shiloh gi odaadeu daha, gai ia ga hagaola ai gidaadeu mai i odaadeu hagadaumee.”

1 Kings 8:35

De masavaa naa huu aau e daohi ai gi dee pala de langi, i hiidinga gilaadeu gu haisala adu gi de goe, gai noo gilaadeu e huuhuli mai gi de hale nei ga dalodalo ai, ga hagadubu doo ingoo, ma de tili olaadeu haisala, i hiidinga dau hagaduasala gilaadeu,

Isaiah 28:1

E vakaa naa de hau hagadubu a de gau ssenga o Ephraim e tuhi laa, go dono mahamaha gu dai lilo bei de huaala gu mmae laa, go de aduhale e duu laa i honga tuuduu o de geelonga iai gelegele danuaa, go de mommee a de gau ssenga i uvaini e tuhi laa.

Jeremiah 3:3

Deenei ai, de langi gu daohi gi dee pala, gai gu dee pala de langi i taamada o de ngadau. Gai koe gu bei dagodo o de hine hai be se manu; koe e dee dogaa donu i au hegau hagadookaa dangada.

Ezekiel 24:21

‘Hai ange gi de gau Israel: E hagadaba de Ia Aamua go Iahweh: Tilo, au e hai naa gi hakino gee dogu mommee dabu, go de hale buibui makaga oodou e tuhi naa, ma de llodo ai mmao, aama de malangilangi ai, gai oodou dama daane ma damaa hine e doe e daia naa ga maakau i de gadilaasa.

Deuteronomy 11:17

Gai Tagi Maolunga e kona mmao naa de lili i goodou, ga hai gi dee pala iho de langi gi honga de gelegele, gi deai ai hua i honga oodou gelegele, gai goodou e moolau naa donu de maakau ga dee maaleva, i de henua danuaa a Tagi Maolunga e gaavadu gi goodou.

Ezekiel 33:28

Gai au e hai naa de henua gi se mommee e ngadi dagodo, gai ono mahi aana e tuhi ai laa ia e hai naa ga deai, gai denga mounga o Israel e ngadi daakodo naa; gu deai dangada e hulo gi kilaa.