Leviticus 26:17 - De Beebaa Dabu

¹⁷ Gai au e huli adu naa ga hai baasi adu gi goodou, ma de hai oodou hagadaumee gi hagadee kii ina goodou; gai dangada e kino laa i goodou e dagi naa goodou, gai goodou e maatagu naa ga saavini gai e deai donu dangada e dolohia goodou.

Leviticus 26:17 Referans Kwoze

Proverbs 28:1

Tangada baubau e savini naa ga hano, e dee galemu donu teai dangada e dolohia ia, aagai tangada heohi e lo taane bei de laiono.

Leviticus 17:10

Noo dahi dangada Israel be se dangada henua gee i oodou magavaa e gai kano manu iai dodo — gai au e hai baasi ange donu gi tangada e gaina kano iai dodo, ga vvae gee ia mai i daho ono dangada.

Psalm 53:5

Gai olaadeu dagodo, de mommee e deai ai se mee hagamaatagu gai gilaadeu e kona mmao de maatagu. Gai de Maadua e hagassii saele naa ivi o dangada e hebagi adu gi de goe. Koe gu hagadookaa gilaadeu, go hiidinga de Maadua gu tili gilaadeu.

Deuteronomy 28:25

Gai Tagi Maolunga e hai naa gi dee kii goe i oo hagadaumee; koe e hano naa e hebagi ange gi gilaadeu i dahi haiava, gai oo dangada e saavini naa ga hulo gee mai i gilaadeu i e hidu haiava. Gai denga huaahenua e llele naa olaadeu mouli i delaadeu gidee mee e hai adu gi de goe.

Jeremiah 19:7

Gai au e hai naa gi deai haigamaiana hagatau a Judah ma Jerusalem i de mommee nei. Gai au e hai naa olaadeu hagadaumee gi daia gilaadeu gi maakau i de gadilaasa, ma dangada e saalaa gilaadeu e daia gi maakau. Gai au e gaavange naa olaadeu angaanga gi denga manu llele ma manu dolodolo gi gaina.

Judges 2:14

Gai Tagi Maolunga gu bole mmao i hiidinga o de gau Israel, gai ia ne dugu ange olaadeu hagadaumee gi hagadee kii ina gilaadeu. Ia ne hagao ange hogi gilaadeu gi olaadeu hagadaumee e paa ange laa gi delaadeu henua. Gai gilaadeu gu dee maua i de hai baasi ange gi gilaadeu.

Lamentations 1:5

Dangada e kino i Zion gu ni dagi i kilaa, ono hagadaumee gu nnoho paba. Tagi Maolunga gu hagaduasala Zion, i hiidinga ono haisala gu lagolago mmao. Ana dama gu gaavee gee mai i de henua, gai gu hai gi seesee i mada i mua o olaadeu hagadaumee.

1 Samuel 31:1

Gai de gau Philistia ne hebagi ange ai gi denga daane Israel; gai denga daane Israel ne saavini ga hulo gee mai i gilaadeu, gai gilaadeu ne maakau i honga de mounga go Gilboa.

1 Samuel 4:10

Gai de gau Philistia ne hagammahi ga hebagi, gai de gau Israel gu maakulu, gai dahi ma dahi ga saavini ga hano gi dono hale. Gai ne soa dangada ne daia ga maakau; ne dolusemada daane o Israel ne maakau.

Genesis 4:12

Gai de masavaa naa huu aau e hagabalabala ai de gelegele e doo, gai e dee maua naa donu gi hanu hua iai, gai koe e hai naa ga se dangada e silivaahea ma de hagadaga saele i honga de henua.”

Joshua 7:4

Deelaa ai, ne dolumano duumaa donu huu daane ne hulo gi kilaa; aagai gilaadeu ne saavini ga hulo gee mai i denga daane o Ai.

1 Kings 8:33

Gai de masavaa naa huu a oo dangada go de gau Israel, e hagadee kii ina ai i olaadeu hagadaumee, i hiidinga gilaadeu gu haisala adu gi de goe, gai noo gilaadeu e daahuli mai gi de goe, ga hagadubu doo ingoo, ga dalodalo ma de dangidangi adu gi de goe i lo te hale nei,

Psalm 44:10

Koe ne hai gimaadeu gi saavini gi hulo gee mai i omaadeu hagadaumee; gai gilaadeu gu kave omaadeu goloa.

Jeremiah 44:11

Deenei ai, e hagadaba Tagi o denga hagabuulinga hebagi, de Maadua o Israel: Tilo, au e noho e hai adu de baubau gi goodou ma de oha Judah alodahi.

Ezekiel 15:7

Au e hai baasi ange naa donu gi gilaadeu. Gai ga ssao mai naa donu gilaadeu i de ahi, gai de ahi e ahe ange naa donu ga dudu gilaadeu. Gai gi iloo ai e goodou bolo go au donu go Iahweh, i de masavaa aagu e hai baasi ange ai gi gilaadeu.

Judges 3:8

Gai Tagi Maolunga gu bole mmao i hiidinga o de gau Israel, gai ia ga dugu ange Cushan-Rishathaim, de hodooligi o Mesopotamia gi hagadee kii ina gilaadeu; gai de gau Israel gu nnoho i ono lalo i e valu ngadau.

Judges 3:14

Gai de gau Israel ga hai hegau ange gi Eglon, de hodooligi o Moab, i e madaangahulu ma valu ngadau.

Judges 6:2

Gai de gau Midian gu mmahi ange i de gau Israel; gai de gau Israel gu hulo ga nnoho i ulu mounga, ma lodo haonga aama lodo mommee buibui makaga.

1 Samuel 12:15

Aagai noo goodou e dee hagallongo ange gi muna a Tagi Maolunga, ma de hai baasi ange gi muna a Tagi Maolunga, gai Tagi Maolunga e hai baasi adu naa gi goodou ma doodou hodooligi.

2 Kings 13:3

Gai Tagi Maolunga gu bole mmao i hiidinga o de gau Israel, gai ia ga dugu ange gi lalo ssauaa o Hazael, de hodooligi o Syria, ma Ben-Hadad dana dama.

2 Kings 13:7

Gai gu dinolima donu daane e kage i honga hoosa, ma e madaangahulu hada hebagi, aama e dahisemada daane e seesee e doe i de hagabuulinga hebagi o Jehoahaz, go hiidinga de hodooligi o Syria gu daa gilaadeu ma gu maakau; gilaadeu ne bei donu dagodo o de mama i de masavaa e duuduu ai denga grain.

Psalm 53:6

Mee naa gi humai de hagaola o Israel i Zion! De masavaa a de Maadua e hagaahe ange ai de manuuia o ono dangada, gai Jacob gi malangilangi, Israel gi lodo danuaa!

Isaiah 30:17

E mano goodou e saavini naa ga hulo gee i doodou maatagu i dahi dangada sogosogo; e dogolima dangada e hai goodou alodahi gi saavini gi hulo i doodou maatagu, ga dae ai gi doodou bei dagodo o dahi laagau e duu laa i ulu de mounga, aabe go dahi hagailonga i honga dahi mounga.”

Isaiah 63:10

Aagai gilaadeu ne hagamaanege, ma de hagadaemaha dono Hagasaalunga Dabu. Gai ia gu sui ga se hagadaumee niiolaadeu, gai ia ga hebagi ange gi gilaadeu.

Lamentations 2:4

Ia ne dada dana mee hholu bei hegau a de hagadaumee; gai dono lima madau gu baba donu. Ia ne daa ga maakau gilaadeu alodahi e tilo danuaa, bei hegau a de hagadaumee; ia ne llingi iho dono bole bei de ahi gi honga de hale malo o tamaa hine o Zion.