Leviticus 26:16 - De Beebaa Dabu

¹⁶ gai deenei dagu hai e hai ai goodou: au e hai naa gi moolau de tae mai denga mee hagamaatagu gi goodou, ma de magi iviivi, ma de vvela o de angaanga e haia laa ga dee gide tangada, gai mahi o tangada e hagadagadaga mai. Goodou e doo naa oodou veelenga gai e dee haigamaiana adu gi goodou, i hiidinga go oodou hagadaumee e gaina.

Leviticus 26:16 Referans Kwoze

De Beebaa go Job 31:8

gai hanu dangada gee gi gaina mee aagu ne doo, gai gi unuunusia age agu manu gu doo.

1 Samuel 2:33

Gai tangada aagu e dugu gi hai hegau i dogu mommee o ssigidaumaha, e dangi naa i de daemaha ono lodo, gai oo hagadiilinga ange laa alodahi e maakau naa i de masavaa olaadeu e dama daane ai.

Micah 6:15

Koe e doo naa au manu, aagai e dee go koe e hagihagia; koe e kumi naa lolo o denga olive, aagai e dee go koe e hai mee ai, koe e dagadagahi naa denga grape, aagai e dee go koe e unumia uvaini e maua ai.

Ezekiel 33:10

Gai koe, tama a tangada, hai ange gi dangada o Israel, ‘Goodou e hagataba: “Omaadeu baubau ma omaadeu haisala gu hagadaemaha gimaadeu, gai gimaadeu gu dai maakau i hiidinga o mee nei. Gai dee hee demaadeu hai e mouli ai?” ’

Jeremiah 5:17

Gai gilaadeu e gai naa oodou huamanu gu hagihagi ma oodou gai, ma de hai ga deai oodou dama daane ma damaa hine. Gilaadeu e ngole naa oodou hagabuulingaa ssiibi ma kaau, ma de gai hua o oodou grapevine ma oodou fig. Gai alaadeu gadilaasa e oha naa denga aduhale buibui oodou e tali ange naa aagena.

Psalm 78:33

Gai ia ne hai gi llilo olaadeu laangi bei de madangi o de manava, gai olaadeu ngadau e hoohonu i mee hagamaatagu.

Deuteronomy 28:51

Gilaadeu e loomai naa ga kave au manu haangai ma hua o manu ssomo i honga doo gelegele, ga dae ai gi delaadeu oha goe. Gai gilaadeu e dee dugu adu naa hanu hua grain maau, be ni uvaini, be ni lolo, aabe go hanu dama a au kaau be go dama a au ssiibi, ga dae ai gi delaadeu oha goe.

Hebrews 10:31

Gai se mee hagamaatagu mmao taadeu too ange gi lo te lima o de Maadua e mouli laa.

Zechariah 14:12

Gai deenei de mee hagamaakau a Tagi Maolunga e hagaduasala ai denga huaahenua ne hebagi ange gi Jerusalem: olaadeu angaanga e daamada naa de pobo i de masavaa olaadeu goi tuu ai gi lunga, olaadeu hadu mada e pobo naa i lodo olaadeu duulanga, olaadeu alelo e pobo naa hogi i lodo olaadeu ngudu.

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Jeremiah 20:4

Gai e hagadaba Tagi Maolunga, ‘Tilo, au e hai naa goe gi se mee hagamadagu adu donu huu gi de goe aama ange gi oo soa alodahi; gai koe e gidee naa de daa ga maakau o oo soa i gadilaasa a olaadeu hagadaumee. Gai au e dugu ange naa Judah alodahi gi de hodooligi o Babylon; ia e kave naa hanu dangada gi Babylon, gai ga daa hanu gi maakau i de gadilaasa.

Jeremiah 15:8

Au e hai naa gi kii ange de soa haahine gu maakau olaadeu bodu, i denga gelegele i gabugabu tai. Au e gaamai tangada daa dangada gi hai baasi ange gi dinana o alaadeu dama daane i de madohi lua o de laangi. Au e daa hagalele naa donu huu dagu hai gi duu ange gi gilaadeu de mee hagamanavasaa ma de hagamaatagu.

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Isaiah 10:4

Gai gu deai ange oodou mee e hai, aagai go de ino donu huu gi lalo madali gilaadeu gu noonoodia, aabe go de baakuu madali de gau maakau. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Isaiah 7:2

De masavaa huu o de longo ne dae ai gi de aamuli o David, ga hai ange, “Syria gu hagabuni ange gi Ephraim,” gai Ahaz ma ono dangada alodahi gu maatagu mmao ma de bolebole, gilaadeu gu bei denga manu ssomo i lodo henua e ilihia saele laa i de madangi.

Psalm 109:6

Hilia ange dahi dangada baubau gi hai baasi ange gi de ia, gai dahi ono hagadaumee gi hagabaubau ina ia.

Psalm 73:19

Gai ne daa hagalele donu delaadeu maakau, ma de gaavee gee alodahi i de mee hagamaakau!

De Beebaa go Job 20:25

Tao laa e velo naa ia ga sao i tua, gai dono mada malamalama e sula mai naa lo tono angaanga, gai ia e kona naa dono madagu.

De Beebaa go Job 18:11

Denga mee hagamaatagu i luoono baasi gu hagamadagu ia, ma de doolohi saele ia.

Judges 6:11

Gai tangada de langi o Tagi Maolunga ne humai ga noho i lalo de oak i Ophrah, se mommee niio Joash o de hagadiilinga o Abiezer. Gai dana dama go Gideon e noho i kilaa ma e hagailiili hanu grain ⌊gi too denga hua⌋ i de mommee kumi uvaini, e hagammuni ai i de gau Midian.

Deuteronomy 32:25

De gadilaasa e daa ga maakau dangada i duaahaho, gai de mee hagamaatagu gu dagodo i lodo, ange gi denga dama daane ma denga damaa hine, denga gaagaa ma de gau madumaatua.

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

1 Kings 8:37

De masavaa naa huu e humai ai de onge be go de mee hagamaakau gi honga de henua, be go manu e haia ga mmae ma de dongidongi denga manu ssomo, be go de loomai o denga itebuubuu ma madanigono, be go de masavaa o de hagadaumee e duuli ai hanu olaadeu aduhale, aabe go de tae mai o de hai ngadaa ma de magi,

Proverbs 3:33

Tagi Maolunga e hagamalaia de hale o tangada baubau, aagai e hagamanuuia de mommee noho o tangada heohi.

Isaiah 62:8

Tagi Maolunga gu haalo dono lima madau ma gu hagatoo donu i dono sauaa ma gu hagadaba, “Au e dee ahe ange naa donu e gaavange oodou grain e gai oodou hagadaumee, gai de gau henua gee e dee aahe ange naa donu e unu uvaini hoou oodou ne hagadaalea ange aagena;

Jeremiah 15:3

Au e hai naa gi loomai e haa hagadaagangaa mee oha gi gilaadeu, go Tagi Maolunga e hagadaba: de gadilaasa e daa ga maakau dangada, ma denga gaaduu e dada dangada ga gaavee, aama manu llele ma manu lodo henua e gai laa ma de daa gilaadeu.

Ezekiel 24:23

Goodou e noonoa denga goobai malo i honga oodou biho, ma mee vae i oodou vae. Goodou e dee hinangalosaa aabe tangi, aagai goodou e gonogono naa i hiidinga oodou baubau, ma de hagadau daemaha i oodou magavaa.

Malachi 2:3

Tilo, au e hagaduasala naa oodou hagadiilinga, ma de hulu oodou mada i denga duudae o denga manu e hai ai laa oodou sigidaumaha, gai goodou e gaavee gee naa madali mee nei,

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.