Leviticus 26:13 - De Beebaa Dabu

¹³ Go au donu go Iahweh doodou Maadua, go au ne hagassao ina mai goodou i de henua go Egypt, gi dee hai hegau ange ai goodou gi de gau Egypt; au gu hadihadi denga laagau hagahai hegau i honga oodou eu, ga hai gi maua e goodou i de tuu gi ssoe gi lunga ga seesee ai.

Leviticus 26:13 Referans Kwoze

Ezekiel 34:27

Denga manu ssomo i honga de henua e hhua naa, gai de gelegele e hhua naa hogi manu e doo ai; dangada e nnoho paba naa i honga delaadeu henua. Gai gi iloo ai e gilaadeu bolo go au donu go Iahweh, i de masavaa aagu e hadihadi ai denga laagau hagahai hegau a dangada e hagauda ange gi gilaadeu, ma de hagaola gilaadeu mai i ssauaa o dangada e hagahai hegau ina gilaadeu.

Psalm 116:16

Tagi Maolunga, go au donu doo dangada hai hegau; go au doo dangada hai hegau, go tama daane a doo hahine hai hegau; koe gu tala ogu mee e nnoa ai.

Leviticus 25:38

Go au donu Tagi Maolunga doodou Maadua, go au ne hagassao ina mai goodou i de henua go Egypt, ga gaavadu gi goodou de henua go Canaan, ma de hai go doodou Maadua.

Exodus 20:2

“Go au go Iahweh, doo Maadua, ne hagasao ina mai laa goe i de henua go Egypt, go de henua oou nogo hai hegau hagaduasala ina ai.

Jeremiah 2:20

Madagidagi loo gai koe ne hhadi de laagau hagahai hegau i honga doo eu ma de duuduu oo mee noonoa; aagai koe ne hagadaba, ‘Au e dee daumaha adu donu gi de goe!’ Gai koe ne dahulinga baubau i honga mommee maolunga alodahi ma lalo o denga manu ssomo alodahi bei dagodo o de hine hai be se manu.

Leviticus 25:55

I hiidinga de gau Israel ni dangada hai hegau niiogu, gilaadeu go ogu dangada hai hegau aagu ne hagassao mai i de henua go Egypt. Go au donu go Iahweh doodou Maadua.

Isaiah 51:23

Gai au e gaavange naa de ubu laa gi gilaadeu ne vaivai haia goodou gi unu ai, go gilaadeu ne hai adu gi goodou, ‘Goodou daakodo gi lalo, gai gimaadeu ga seesee i honga oodou dua.’ Oodou dua gu bei honga de gelegele, gai e bei honga haiava o dangada e seesee ai laa.”

Leviticus 25:42

Go hiidinga de gau Israel ni dangada hai hegau niiogu, gai au ne hagassao ina mai gilaadeu i de henua go Egypt; deelaa ai, gilaadeu e dee hagao gi daha, bei dagodo o de gau hai hegau dee ilaage.

Exodus 6:7

Gai au ga hai naa goodou go ogu dangada, gai au go doodou Maadua, gi iloo ai e goodou bolo go au donu go Iahweh doodou Maadua, go au ne gaavee gee goodou mai i mee a de gau Egypt e hagadaemaha ai goodou.

Ezekiel 30:18

Tahpanhes e gohu naa i de laangi, i de masavaa aagu e hhadi ai de laagau hagahai hegau a Egypt. Gai ono mahi e hagamaolunga ai laa e lilo naa. De hagausinga e haoli naa de henua, gai ono dangada e noonoodia naa ga gaavee gi dahi henua gee.

Hosea 11:4

Au ne dagi gilaadeu i de abodonu ma de lodo aloha ange gi gilaadeu. Au ne aau de laagau hagahai hegau i honga olaadeu ua, ma de ino iho ga haangai ange gilaadeu.

Exodus 14:8

Gai Tagi Maolunga ga hagamakaga lodo o de hodooligi o Egypt go Pharaoh, gai ia ga doolohi de gau Israel, i hiidinga gilaadeu se hagamaolunga ga hulo ai.

Isaiah 9:3

Koe gu hai gi soa de huaahenua, ma de hai gi kii ange delaadeu malangilangi; gilaadeu e malangilangi i mada luoo mada bei de malangilangi o dangada i de masavaa o de hagihagi, ma de malangilangi o denga daane i de masavaa e vaevae ai goloa e maua i de hebagi.

Jeremiah 28:2

“E hagadaba Tagi o denga hagabuulinga hebagi, de Maadua o Israel: Au e hhadi naa de laagau hagahai hegau a de hodooligi o Babylon.

Jeremiah 28:4

Gai au e hagaahe mai naa hogi gi kinei Jehoiachin tama daane a Jehoiakim, go de hodooligi o Judah, aama dangada alodahi ne gaavee gee laa i Judah ga kave gi Babylon, go Tagi Maolunga e hagadaba. Go hiidinga au e hhadi naa de laagau hagahai hegau a de hodooligi o Babylon.”

Nahum 1:13

Iainei gai au e hhadi naa delaadeu laagau hagahai hegau ga aau gee i doo ua, ma de duuduu oo mee noonoa ga tili.”