Leviticus 25:43 - De Beebaa Dabu

⁴³ Aude vaivai haia tangada Israel, aagai koe gi madagu i doo Maadua.

Leviticus 25:43 Referans Kwoze

Colossians 4:1

Denga gau aamua, goodou haia gi heohi ma de soe de hai oodou e hai hegau ange ai gi oodou dangada hai hegau, go hiidinga goodou e iloo bolo e dahi donu hogi oodou Ia Aamua i de langi.

Leviticus 25:46

Gai goodou e maua i de bolo ange gilaadeu gi oodou dama e loomai i oodou dua, gai gilaadeu e maua i de hai gilaadeu gi ni dangada hai hegau i taulooloa olaadeu mouli, aagai goodou e dee hai de gau Israel gi ni dangada hai hegau e dee ilaage, ma de vaivai hai gilaadeu.

Leviticus 25:17

Gai goodou e dee hagadau vaivai daakodo i oodou magavaa, aagai goodou gi maatagu i de Maadua. Go au go Iahweh doodou Maadua.

Ephesians 6:9

De gau aamua, goodou hai hegau ange hogi bee nei gi oodou dangada hai hegau. Goodou gi dee hagamaatagu ina gilaadeu, i doodou tonu iho bolo goodou ma oodou dangada hai hegau e dahi donu huu oodou Dagi Aamua i de langi, gai ia e dee vae dangada donu.

Ezekiel 34:4

Goodou e dee hagammahi de ia gu baageaa, gai e dee hagaieiangi de ia gu mmagi, aabe saabini maanuga o de ia gu lagohia. Goodou tee hagaahe mai ssiibi gu ssenga saele laa, aabe ne ssala de ia gu dee maaleva laa. Goodou ne hagaduasala gilaadeu ma de vaivai hai gilaadeu i doodou dagi gilaadeu.

Leviticus 25:53

Gai ia e hagao i ngadau alodahi bei dagodo o tangada hai hegau hagao; gai dono dangada aamua gi dee vaivai haia ia.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Isaiah 58:3

Gilaadeu e hagataba, ‘Gu aha gu hagahiikai ai gimaadeu gai de Maadua e dee gidee donu? Gai gu aha gu hagamaolalo ai gimaadeu, gai koe e dee anga mai donu?’ Gai de laangi oodou ne hagahiikai ai, gai goodou e hai donu huu oodou mee e malangilangi ai, goodou ne vaivai hai oodou dangada hai hegau alodahi.

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Deuteronomy 25:18

Gilaadeu tee maatagu i de Maadua, gai ne hebagi adu gi goodou, i de masavaa oodou ne daalea ai ma de baageaa, gai gilaadeu ne daa dangada e loomai i muli.

Exodus 5:14

Gai denga daane hagaseesee o de gau Israel, ne hili laa i daho denga daane o Pharaoh e hagahai hegau ina laa dangada gu daia, ma de ssili ange gi gilaadeu, “Gu aha goodou tee hai ai laa gi duu taelodo o oodou duudangaa hadu anaahi ma anailaa nei, bei doodou hai nogo hai ai laa i mua?”

Exodus 3:9

Tilo, au gu langona de tangi o de gau Israel, gai au gu gidee hogi de hai a de gau Egypt e hagaduasala ai gilaadeu.

Exodus 3:7

Gai Tagi Maolunga ga hai ange gi de ia, “Au gu gidee donu de duasala o ogu dangada i Egypt, au gu langona hogi delaadeu tangi i hiidinga de hai a olaadeu dagi e hagaduasala ai gilaadeu; au gu iloo donu dagodo o delaadeu duasala.

Exodus 2:23

Dua huu hanu ngadau lagolago, gai de hodooligi o Egypt gu magau. Gai de gau Israel gu duasala mmao i delaadeu hagahai hegau kona ina, gai gilaadeu ga dangidangi i de bale, gai de Maadua gu langona e ia delaadeu dangidangi.

Exodus 1:21

Go hiidinga luu haahine hagahaanau laa ne maatagu i de Maadua, gai ia ga abodonu ange gi gilaau, ga hai gi hanu dama i lodo olaau huaabodu.

Exodus 1:17

Gai luu haahine hagahaanau laa ne maatagu i de Maadua. Deelaa ai, gilaau tee daudali i muna a de hodooligi, aagai ne hagaola hogi denga gauligi daane.

Genesis 42:18

Gai de hagadolu laangi huu, gai Joseph ga hai ange gi gilaadeu, “Deenei doodou mee e hai gi mouli ai goodou, go hiidinga au e madagu i de Maadua:

Leviticus 25:42

Go hiidinga de gau Israel ni dangada hai hegau niiogu, gai au ne hagassao ina mai gilaadeu i de henua go Egypt; deelaa ai, gilaadeu e dee hagao gi daha, bei dagodo o de gau hai hegau dee ilaage.

Leviticus 25:44

Gai oo daane ma haahine hai hegau, koe e maua i de hagao mai gilaadeu i denga henua gee.

2 Chronicles 28:10

Gai goodou gu maanadu e hai denga daane ma haahine mai i Judah aama Jerusalem gi ni dangada hai hegau niiodou. E aha, goodou tigi haisala ange naa hogi gi Tagi Maolunga doodou Maadua?

De Beebaa go Job 31:13

Noo au e dee hagamodu muna o ogu daane ma haahine hai hegau i de heohi, i de masavaa olaadeu e nnanu ai i de au,

De Beebaa go Job 31:14

gai ni aha naa aagu e hai i de masavaa a de Maadua e hagamodu ai ogu muna? Gai noo ia gu hai ssiilingaa muna, gai dee hee ai naa dogu hai e basa ange ai?