Leviticus 25:41 - De Beebaa Dabu

⁴¹ Gai koe gi dugua ia ma ana dama gi hulo, gai gilaadeu ga aahe ai gi daho delaadeu huaabodu, aama de alahenua o olaadeu maadua.

Leviticus 25:41 Referans Kwoze

Leviticus 25:28

Aagai noo ia tigi maua i de ahe ange e hagao dono alahenua, gai de alahenua aana ne hagao laa gi daha e dugu i daho tangada ne hagao ina laa, ga dae ai gi de ngadau o de jubilee. Gai e hagaahe mai i de ngadau o de jubilee, gai tangada laa gu maua i de ahe ange gi dono alahenua.

Exodus 21:3

Gai noo ia tigi hai bodu i de masavaa aau ne hagao ai, gai ia gi hano donu i de ia. Gai noo ia gu hai bodu ga humai ai, aagai ia gi gaavee hogi dono bodu madali ia.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Romans 6:14

Go hiidinga de haisala gu deai sono sauaa e dagi ai goodou, i hiidinga goodou gu dee nnoho i lalo ssauaa o de hainga, aagai gu nnoho i lalo ssauaa o de abodonu o de Maadua.

John 8:32

gai goodou e iloo ai naa de muna abodonu, gai de muna abodonu ga hai gi ilaage goodou.”

Leviticus 25:10

Gai goodou ga hai gi dabu de madalima ngadau, ga hagailoo de hai gi ilaage dangada alodahi e nnoho i honga de henua. De ngadau nei go doodou jubilee, go de ngadau a dahi ma dahi e maua ai i de ahe ange gi dono gelegele donu, ma daho dono huaabodu.

Leviticus 25:40

Gai koe haia ia gi se dangada hai hegau e hagao, aabe se dangada e noho gaainga i oo daha. Gai ia gi hai hegau adu gi de goe ga dae ai gi de ngadau o jubilee.

Leviticus 25:42

Go hiidinga de gau Israel ni dangada hai hegau niiogu, gai au ne hagassao ina mai gilaadeu i de henua go Egypt; deelaa ai, gilaadeu e dee hagao gi daha, bei dagodo o de gau hai hegau dee ilaage.