Leviticus 25:23 - De Beebaa Dabu

²³ “ ‘Gai denga alahenua e dee maua donu i de hagao gi daha ga hano ai; go hiidinga de henua niiogu, gai goodou ni dangada henua gee e nnoho gaainga i dogu henua.

Leviticus 25:23 Referans Kwoze

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

Psalm 39:12

Tagi Maolunga, hagalaangona dagu dalodalo, hagalaangona dogu dangi adu koe gi balea mai; koe gi dee hagangadi mee ina dogu dangi. Go hiidinga au se dangada e noho gaainga gai se dangada henua gee bei ogu dubuna madagidagi alodahi.

Ezekiel 48:14

Gai gilaadeu e dee maua i de hagao gi daha de mommee nei aabe hagahesuihagi hanu. Deenei hugadoo de mommee danuaa i de henua, gai e dee maua donu i de gaavange gi hanu dangada gee, go hiidinga gu hagadabu ange gi Tagi Maolunga.

Psalm 24:1

Henua i lalo ma mee alodahi iai nii Tagi Maolunga, ma honga henua ma dangada alodahi e nnoho ai;

1 Chronicles 29:15

Gai gimaadeu ni dangada henua gee i mada luoo mada, gai ni dangada e nnoho gaainga, bei dagodo omaadeu dubuna madagidagi alodahi. Gai omaadeu laangi i henua i lalo e bei de goohunga o de laa e lilo ngaohie laa, e dee maua gi dagodo.

Deuteronomy 32:43

Denga huaahenua, goodou duuhia dono huaadangada, go hiidinga ia e sui ange naa mee ne hai ange gi dono huaadangada hai hegau. Ia e sui ange naa hegau baubau a ono hagadaumee gai ia e degi ange gi dono henua ma dono huaahenua.

Exodus 19:5

Gai noo goodou e hagallongo mai gi agu muna ma de daudali i dagu hagatoo donu hagaheloongoi, gai au e hili naa goodou mai i magavaa o denga huaahenua alodahi, e hai ai dogu huaadangada hagamogomogo. Niiogu henua i lalo alodahi,

Joel 3:2

Au e hagabuni mai naa denga huaahenua alodahi gi de Geelonga o Jehoshaphat. Gai au ga hagamodu ai olaadeu muna i kilaa, i hiidinga o dogu boolonga, go dangada o Israel, go hiidinga gilaadeu ne hai ga mavaevae saele ogu dangada gi denga huaahenua, ma de vaevae dogu henua.

Joel 2:18

Gai Tagi Maolunga gu lodo gaiaa i hiidinga o dono henua, ia gu lodo aloha hogi i ono dangada.

Hosea 9:3

Gilaadeu e dee nnoho naa donu i de henua o Tagi Maolunga; Ephraim e ahe naa gi Egypt, ma de gai mee dee gilimalali i Assyria.

Psalm 85:1

Tagi Maolunga, koe gu abodonu ange gi doo henua; koe gu hagaahe ange de manuuia o Jacob.

2 Chronicles 7:20

gai au e kave gee naa goodou mai i de henua aagu gu gaavadu gi goodou, ma de tili de hale aagu gu hagadabu ange gi dogu ingoo, ma de hai gi se mommee e hakadanga ai dangada alodahi.

Leviticus 25:10

Gai goodou ga hai gi dabu de madalima ngadau, ga hagailoo de hai gi ilaage dangada alodahi e nnoho i honga de henua. De ngadau nei go doodou jubilee, go de ngadau a dahi ma dahi e maua ai i de ahe ange gi dono gelegele donu, ma daho dono huaabodu.

Isaiah 8:8

gai vai e ssali mai naa gi Judah, ga haoli de henua ga dae age ai gi de ua. Gai ia e bei naa de manu lele e doha laa luoono bakau ga haoli ai honga doo henua alodahi, Immanuel!”

Psalm 119:19

Au se dangada e noho gaainga i henua i lalo; koe gi dee hagamuunia au muna i de au!

1 Kings 21:3

Aagai Naboth ne hai ange gi Ahab, “Tagi Maolunga e dee dugu mai donu au gi gaavadu gi de goe de mommee ne bolo mai gi de au i daho ogu maadua.”

Genesis 47:9

Jacob ne hai ange gi Pharaoh, “Gu 130 ogu ngadau gu noho gaainga saele ai. Ogu ngadau ne mouli ai e sogoisi ma de hai ngadaa, gai au tigi daea donu ngadau o ogu maadua ne nnoho gainga saele ai.”

Genesis 23:4

“Au se dangada henua gee e noho gaainga i oodou daha, gai goodou gaamai dahi mommee i oodou daha e hai ai dahi mommee e hai ai agu daanunga, gai au ga kave dagu magau e danu ai.”

Exodus 2:22

Gai Zipporah ne hai dama ga haanau dahi dama daane, gai Moses ga hagaingoo ange ia go Gershom, i hiidinga ia ne hagadaba, “Au se dangada e noho gaainga i dahi henua gee.”

Leviticus 25:24

Denga alahenua alodahi oodou gu kave, gai goodou haia gi maua e tangada i de ahe ange e hagao dono gelegele.

Psalm 39:13

Koe gi dee hagaduasala ina au, gi ahe ange ai au gi malangilangi, i mua dogu hano ga dee maleva.”