Leviticus 24:9 - De Beebaa Dabu

⁹ Gai pelaoaa nei nii Aaron ma ana dama daane, gai gilaadeu e gai mee nei i lo te mommee dabu, go hiidinga mee nei go delaadeu duuhanga dabu mmao, mai i ssigidaumaha e hai i de ahi ange gi Tagi Maolunga, ga hano ai.”

Leviticus 24:9 Referans Kwoze

Leviticus 8:31

Gai Moses ga hai ange gi Aaron ma ana dama daane, “Gaavee denga kano manu nei ga boale i gaogao de haitoga o de hale malo hagabuni, gai goodou ga gai ai madali denga pelaoaa mai i lo te gede iai pelaoaa gu hagadabu laa, bei dagu hai gu tala adu ai laa bolo go Aaron ma ana dama e gaina mee nei.

Luke 6:4

Ia ne ulu i de hale o de Maadua ga gai pelaoaa dabu, gai ia ne gaavange hogi hanu gi gilaadeu madali ia. Gai pelaoaa laa e dee alaange donu dana gai, go de gau haimeedabu donu huu.”

Mark 2:26

Ia ne ulu i de hale o de Maadua i de masavaa o tangada haimeedabu maolunga go Abiathar, ga gai ai denga pelaoaa dabu, gai ni mee e dee alaange i de gai a dangada, go de gau haimeedabu donu huu, gai ia ne gaavange hogi hanu ga gai ono daane.”

Matthew 12:4

Ia ne ulu i de hale o de Maadua ga gai ai denga pelaoaa dabu, ni mee e dee alaange dana gai aabe go ono daane madali ia, aagai go de gau haimeedabu donu huu.

Leviticus 10:17

“Gu aha goodou tee gai ai laa kano o de manu ne hai ai ssigidaumaha o haisala i de mommee dabu? Kano nei e dabu mmao, gai ne gaavadu gi goodou, gai goodou ga aau gee ai baubau o dangada, ma de tala ai olaadeu haisala i mada luu mada o Tagi Maolunga.

Leviticus 6:16

Gai Aaron ma ana dama gi haia mee e doe gi haia ai pelaoaa dee hagahua ga gai i de mommee dabu, i lo te buibui o de hale malo hagabuni.

1 Samuel 21:6

Gai tangada haimeedabu ne gaavange denga pelaoaa dabu laa gi de ia; go hiidinga gu deai ange donu gai i kilaa, go denga pelaoaa dabu donu huu, gu aau gee laa i mada luu mada o Tagi Maolunga, ma gu sui i hanu pelaoaa mahanahana i de laangi mau.

Leviticus 21:22

Tangada bee nei e maua i de gaimee i gai gu sigidaumaha ange gi dono Maadua, go mee dabu mmao aama mee dabu,

Malachi 1:12

Aagai goodou e hagangadi mee dogu mommee o ssigidaumaha i doodou hagataba bolo teebele a de Ia Aamua e dee gilimalali, gai denga gai iai e maua gi hagangadi mee ina.

Leviticus 8:3

gai koe ga hagabuni mai de hagabuulingaa dangada o Israel alodahi gi de haitoga o de hale malo hagabuni.”

Leviticus 24:10

De masavaa laa gai tama daane a dahi hahine Israel gai dono damana se daane Egypt, ne hano gi daho de gau Israel, gai ia ne hebagi ange gi dahi daane Israel i de mommee nnoho gaainga.

Exodus 27:21

Gai de mee dugu laama e hagaduu i lo te hale malo hagabuni, i tua de malo e buibui ai laa de aabi o de ngavesi o de tala hagadonu; gai Aaron ma ana dama daane gi haulasia denga laama i mada luu mada o Tagi Maolunga, gi ula mai i de ahiahi ga dae ai gi taiao. De mee nei se hainga ange gi de gau Israel ma olaadeu atangada alodahi ga hano ai.

Leviticus 3:17

De mee nei se mee gu hagasauaa adu gi goodou ma oodou atangada alodahi, i mommee alodahi oodou e nnoho ai ga hano ai: goodou e dee gai donu denga mee moomuna ma dodo.’ ”

Leviticus 6:9

“Basa ange gi Aaron ma ana dama daane, hai ange: ‘Aanei hainga o ssigidaumaha dudu: ssigidaumaha dudu e dugu i honga de mommee o ssigidaumaha i de boo laa alodahi ga dae ai gi taiao age, gai de ahi i honga de mommee o ssigidaumaha e hai donu gi ula.

Leviticus 6:11

Gai ia ga hagaui ono malo dabu, ga ahe ange ga gahu i ono malo i de laa tubua, gai ia ga kave denga lehu laa ga llingi i dahi mommee gilimalali i tua de mommee nnoho gaainga.

Leviticus 10:12

Gai Moses ga hai ange gi Aaron ma luaana dama daane goi mouli laa huu, go Eleazar ma Ithamar, “Goodou gaavee hanu grain e doe mai i ssigidaumaha dudu ange gi Tagi Maolunga, ma gi haia ai hanu pelaoaa dee hagahua ga gai i gaogao de mommee o ssigidaumaha, i hiidinga mee nei e dabu mmao;