Leviticus 24:7 - De Beebaa Dabu

⁷ Gai koe ga gaavange hanu frankincense danuaa gi honga luu hagataaunga laa, mee nei ni mee e gaavange madali denga pelaoaa e hai ai ssigidaumaha hagamaanadu i de ahi, ange gi Tagi Maolunga.

Leviticus 24:7 Referans Kwoze

Leviticus 2:2

ga gaamai gi denga dama daane a Aaron, gu hai laa gi ni dangada haimeedabu. Gai tangada haimeedabu gi buulia hanu pelaoaa gu hilo laa ma lolo aama frankincense, ga dudu hanu i honga de mommee o ssigidaumaha e hai ai de mee hagamaanadu; de mee nei se sigidaumaha e hai i de ahi, gai e nnamu kala ange gi Tagi Maolunga.

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

Ephesians 1:6

gai gidaadeu ga tuhi ai de mahamaha o dono abodonu, ne ngadi gaamai laa gi gidaadeu i hiidinga o dana Dama Hagamogomogo.

Acts 10:31

gai ia ne hai mai gi de au, ‘Cornelius, de Maadua gu langona au dalodalo ma de manadua doo abodonu ange gi de gau hagaau aloha.

Acts 10:4

Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?” Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua.

John 6:51

Go au de pelaoaa o de mouli ne hano iho mai i de langi; be goai e gaina de pelaoaa nei, gai ia e mouli ga hano ai. Gai de pelaoaa aagu e gaavange e hagamouli ai henua i lalo go dogu angaanga donu.”

John 6:35

Iesu ne hai ange gi gilaadeu, “Go au de pelaoaa o de mouli; tangada e humai gi de au e dee haihai donu ga hiigai, gai tangada e hagadonu au e dee haihai naa donu ga hieunu.

Exodus 17:14

Gai Tagi Maolunga ga hai ange gi Moses, “Siia mage daohia mee nei i lo te beebaa e hagamaanadu ange ai gi dangada ma de dau ange gi langona e Joshua, go hiidinga au e hai naa de gau Amalek gi odi i teai, gai gi deai dangada e manadua gilaadeu.”

Exodus 13:9

Gai de mee nei e bei de hagailonga e nnoa ange laa gi honga oodou lima aama honga oodou lae, gi manadua ai e goodou de hainga a Tagi Maolunga gai goodou ga tala ai, i hiidinga Tagi Maolunga ne hagassao mai goodou i Egypt i dono lima sauaa.

Exodus 12:14

Gai goodou ga dao de laangi nei, ga hai gi se daonga hagamogomogo ange gi Tagi Maolunga i daho oodou atangada e loomai i muli ga hano ai.

Genesis 9:16

Gai de masavaa naa huu e duu ai de umada i lodo giliiga, ga gidee e au, gai au ga hagamaanadu de hagatoo donu hagaheloongoi dee ngado mai, i omaadeu magavaa ma mee alodahi e mouli i honga de henua.”

Exodus 28:12

Gai koe ga hagabigibigi ange luu hadu nei gi honga luu eu o de ephod e hagamaanadu ai de gau Israel. Gai Aaron gi hagaudalia olaadeu ingoo i honga luoono eu e hagamaanadu ai gilaadeu i mada luu mada o Tagi Maolunga.

Leviticus 2:9

Gai tangada haimeedabu gi aaua hanu mee mai i ssigidaumaha o grain laa ga dudu i honga de mommee o ssigidaumaha e hai ai de mee hagamaanadu, se ssigidaumaha nnamu kala e hai i de ahi ange gi Tagi Maolunga.

Isaiah 43:23

Koe tee gaamai gi de au hanu ssiibi e hai ai denga sigidaumaha dudu; aabe ne hagadubu au i au sigidaumaha. Au tee hagadaemaha goe i denga sigidaumaha, aabe ne hagadalea goe i sigidaumaha o denga frankincense.

Leviticus 2:1

“ ‘Noo dahi dangada e hai dahi sigidaumaha ange gi Tagi Maolunga i hanu hua grain, gai ia gi haia i pelaoaa lligi. Gai ia gi liingia ange lolo gi ono elunga, ma de gaavange frankincense aagena,