Leviticus 24:6 - De Beebaa Dabu

⁶ Gai koe ga hai e lua hagataaunga i honga teebele goolo danuaa laa, i mada luu mada o Tagi Maolunga, gai haia gi ono pelaoaa i dahi hagataaunga.

Leviticus 24:6 Referans Kwoze

1 Kings 7:48

Solomon ne hai hogi goloa alodahi i lo te hale o Tagi Maolunga: go de mommee o ssigidaumaha goolo; teebele goolo e dugu ai pelaoaa i Mada Luoono Mada;

Hebrews 9:2

Gai deenei de hai ne hagaduu ai de hale malo. De aabi e mua gi daha iai de mee dugu laama, ma teebele iai pelaoaa dabu; gai e hagaingoo ange go de Mommee Dabu.

2 Chronicles 13:11

Go gilaadeu e haia sigidaumaha ange gi Tagi Maolunga i denga daiao ma ahiahi alodahi, go sigidaumaha dudu ma sigidaumaha o mee maanongi, ma de hagatau ange denga pelaoaa o ssigidaumaha gi honga teebele laa, ma de tilo ange de mee dugu laama, ga haula denga laama i ahiahi alodahi. Gimaadeu e daohi muna a Tagi Maolunga demaadeu Maadua, aagai goodou gu daahuli gee i de ia.

2 Chronicles 4:19

Gai Solomon ne hai hogi goloa alodahi i lo te hale o de Maadua: go de mommee o ssigidaumaha goolo; denga deebele e dugu ai pelaoaa i Mada Luoono Mada;

1 Corinthians 14:40

Aagai haia mee alodahi gi danuaa, ma de hagatau heohi.

Exodus 39:36

ma teebele ma ono goloa alodahi, ma denga pelaoaa i Mada Luoono Mada;

Nehemiah 10:33

ange gi denga pelaoaa o ssigidaumaha, ma sigidaumaha o hua grain, ma denga sigidaumaha dudu i laangi alodahi, ma denga Sabbath, ma denga daonga i de duu de maasina i dai, ma denga daonga gu hagailonga, ma denga goloa dabu, ma sigidaumaha o haisala o de gau Israel, aama hegau alodahi o de hale o demaadeu Maadua.

Ezekiel 41:22

Gai e dahi mommee o ssigidaumaha ne hai i laagau i kilaa; e dolu sugilima tuuduu, gai e lua sugilima de looloa ma de lahalaha; gai denga dege, ma tagelo, aama luu baasi e hai i laagau. Gai taane laa ne hai mai gi de au, “Deenei teebele i mada luu mada o Tagi Maolunga.”

Exodus 25:30

Gai dugua pelaoaa i Mada Luoono Mada i honga teebele laa i mada luoogu mada i masavaa alodahi.

Nehemiah 10:34

Gai gimaadeu de gau haimeedabu, ma de aamuli o Levi, aama dangada ne hai tada e hili ai denga huaabodu e gaamai lahhie gi de hale o demaadeu Maadua, i de masavaa gu hagailonga i ngadau alodahi, e dudu i honga de mommee o ssigidaumaha a Tagi Maolunga taadeu Maadua, bei de hai gu sisi ai i de hainga.