Leviticus 23:30 - De Beebaa Dabu

³⁰ Gai be goai e haia hanu hegau i de laangi nei, gai au e daa donu ia gi magau ga aau gee ia mai i daho ono dangada.

Leviticus 23:30 Referans Kwoze

Leviticus 20:3

Au e hai baasi ange gi tangada bee nei, ma de vvae gee ia mai i daho ono dangada, i hiidinga ia gu sigidaumaha ange dahi ana dama gi Molek; ia gu hai ma gu hakino gee dogu mommee dabu, aama de hagangadi mee dogu ingoo dabu.

1 Corinthians 3:17

Gai noo dahi dangada e oha de temple o de Maadua, gai de Maadua e daa donu ia gi magau. Go hiidinga de temple o de Maadua e dabu, gai go goodou donu de temple laa.

Zephaniah 2:5

E vakaa naa goodou e nnoho i tagudai, de huaahenua o de gau Kereth; muna a Tagi Maolunga e hai baasi adu gi goodou, Canaan, de henua o de gau Philistia: “Au e oha naa goe, ga dae ai gi teai dangada e doe.”

Ezekiel 14:9

Gai noo de pelaabisi gu hagasengalia gi basa pelaabisi, gai go au donu, Tagi Maolunga ne hagasengalia de pelaabisi laa, gai au e hagaabo naa dogu lima e hai baasi ange ai gi de ia, ga daa ia gi magau, e aau gee ai ia mai i daho ogu dangada, go de gau Israel.

Jeremiah 15:7

Au e nonu naa gilaadeu bei de hai e hili ai laa denga grain i de poogo laagau, i gaogao denga haitoga o de henua. Au e hai naa gilaadeu gi hinangalosaa i alaadeu dama, ma de daa gi maakau ogu dangada; go hiidinga gilaadeu tigi sui donu i olaadeu dagodo.

Genesis 17:14

Gai taane e dee tuu dagaholiage laa e vvae gee donu mai i daho ono dangada; go hiidinga ia gu oha dagu hagatoo donu hagaheloongoi.”

Leviticus 23:29

Gai tangada naa huu e dee hagahiigai i de laangi laa, gai ia e vvae gee donu mai i daho ono dangada.

Leviticus 23:31

Goodou aude haia ai donu hanu hegau. De mee nei se hainga gu hagasauaa ange gi oodou atangada alodahi ga hano ai i mommee alodahi oodou e nnoho ai.