Leviticus 23:27 - De Beebaa Dabu

²⁷ “De madaangahulu laangi o de hidu malama nei, go de Laangi o de Tala Haisala. Gai se masavaa hagabuni dabu niiodou, gai goodou ga hagahiikai, ma de hai dahi sigidaumaha i de ahi ange gi Tagi Maolunga.

Leviticus 23:27 Referans Kwoze

Exodus 30:10

Dahi hanonga i de ngadau, gai Aaron e hagagilimalali hanga o de mommee o ssigidaumaha o mee maanongi, i dodo o ssigidaumaha e tala ai laa haisala. De mee nei e hai, i ngadau alodahi ange gi denga atangada e loomai. De mommee nei e dabu mmao ange gi Tagi Maolunga.”

Leviticus 16:24

Gai ia gi gaugau i vai i dahi mommee dabu, ga ahe ange gi ono malo donu, gai ia ga sao mai ga daa de manu e hai ai laa ssigidaumaha dudu ange gi de ia ma ssigidaumaha dudu a dangada, ga tala ai ono haisala donu ma haisala o de huaadangada.

Leviticus 16:15

Gai ia gi daia de guudi e hai ai laa ssigidaumaha o haisala o de gau Israel, ga kave ono dodo gi lo te malo buibui, gai ia gi haia dodo laa bei dana hai ne hai ai laa dodo o de kaau daane: ia gi hagatoo madaua ina ange gi honga de pono o de tala haisala aama de aloalo o de pono laa.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Isaiah 58:5

E aha, deenei de hagahiikai oogu e lodo ai, e dahi donu huu laangi a tangada e hagamaolalo ai ono lodo? E aha, go dono ino gi lalo bei dahi madila, ma de dagodo i honga dahi malo daladala aama lehu? Gai goodou e hagataba bolo se hagahiikai abodonu deenaa, e dahi laangi e malangilangi ai Tagi Maolunga?

Ezra 8:21

Gai au ne hagailoo bolo ga hai dahi masavaa o de hagahiikai i gaogao ssaalingaa vai go Ahava, gai gimaadeu ga hagamaolalo ai gimaadeu i mada luu mada o demaadeu Maadua, ga dangidangi ange ia gi dagina gimaadeu, ma amaadeu gauligi aama omaadeu goloa alodahi.

Leviticus 25:9

Gai goodou ga ili de hanga manu i de madaangahulu laangi o de hidu malama; de Laangi o de Tala Haisala, gai goodou ga ili de hanga manu i honga de henua alodahi.

Leviticus 16:11

Gai Aaron gi gaamai de kaau daane e hai ai ssigidaumaha o haisala ange gi de ia donu, e tala ai ono haisala ma haisala o dono huaabodu; gai ia gi daia de kaau laa e hai ai ssigidaumaha o ono haisala donu.

James 4:9

Goodou llodo baubau ma de tangi aama de tangi see. Goodou gi dee kada aagai gi llodo baubau, gai haia gi dee malangilangi goodou gai gi daemaha.

Psalm 35:13

De masavaa olaadeu ne mmagi ai, gai au ne gahu i malo daladala, ma de hagahiigai, gai au ne ino gi lalo ga dalodalo, gai tee basa mai.

Acts 27:9

Gai ne lagolago laangi ne too, gai gu hagamanavasaa donu i de dele, go hiidinga gu ui de masavaa o de hagahiikai. Gai a Paul ne basa ange gi gilaadeu,

Leviticus 23:26

Gai Tagi Maolunga ne hai ange gi Moses,

Leviticus 23:28

Goodou aude haia dahi hegau daudahi i de laangi nei; i hiidinga go de Laangi o de Tala Haisala, gi maatala i oodou haisala i mada luu mada o Tagi Maolunga doodou Maadua.

Leviticus 16:16

Gai ia e hai de mee nei e tala ai haisala o de Aabi Dabu mmao, i hiidinga de hakino gee ma de hagamaanege o de gau Israel, e dee hilihili donu be ni haisala aha alaadeu ne hai. Ia gi haia hogi bee nei de hale malo hagabuni, go de hale e duu laa i olaadeu magavaa ma alaadeu mouli dee gilimalali.