Leviticus 23:19 - De Beebaa Dabu

¹⁹ Gai goodou ga hai ssigidaumaha o haisala i dahi guudi daane, gai ga hai ssigidaumaha hagadanuaa magavaa i e lua ssiibi daane gu dagidahi olaau ngadau.

Leviticus 23:19 Referans Kwoze

Numbers 28:30

E dahi hogi guudi daane e hai ai ssigidaumaha, e tala ai oodou haisala.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

Numbers 15:24

gai noo koe e dee se hagabau ga hagahaisala ai mee nei, gai de hagabuulingaa dangada o Israel tee iloo hogi, gai de huaadangada alodahi gi daia dahi kaau gauligi e hai ai ssigidaumaha dudu, go ssigidaumaha nnamu kala ange gi Tagi Maolunga, madali ssigidaumaha o grain ma ssigidaumaha o mee unu, bei de hai gu tala ai laa i de hainga, aama dahi guudi daane e hai ai ssigidaumaha o haisala.

Leviticus 16:15

Gai ia gi daia de guudi e hai ai laa ssigidaumaha o haisala o de gau Israel, ga kave ono dodo gi lo te malo buibui, gai ia gi haia dodo laa bei dana hai ne hai ai laa dodo o de kaau daane: ia gi hagatoo madaua ina ange gi honga de pono o de tala haisala aama de aloalo o de pono laa.

Leviticus 23:18

Gai goodou ga gaamai madali luu duudangaa pelaoaa laa, e hidu ssiibi daane gu dagidahi olaadeu ngadau, gai e deai mee baubau i olaadeu angaanga, ma e dahi kaau daane gauligi, ma e lua ssiibi daane. Manu nei ni mee e hai ai ssigidaumaha dudu ange gi Tagi Maolunga, madali ssigidaumaha o denga grain ma ssigidaumaha o mee unu; go sigidaumaha e nnamu kala e hai i de ahi ange gi Tagi Maolunga.

Leviticus 23:20

Gai tangada haimeedabu gi daodaohia age luu ssiibi daane laa i mada luu mada o Tagi Maolunga madali pelaoaa ne hai laa i huamanu i taamada, e hai ai ssigidaumaha daodaohia age; mee nei gu vvae ange gi Tagi Maolunga, e hai ai tuuhanga o tangada haimeedabu.