Leviticus 23:13 - De Beebaa Dabu

¹³ Goodou e gaamai hogi e lua diba i diba e madaangahulu o dahi ephah pelaoaa lligi gu hilo ma lolo, e sigidaumaha ange gi Tagi Maolunga i de ahi, se sigidaumaha nnamu kala — madali ssigidaumaha o mee unu o e dahi diba i diba e haa o dahi hin uvaini.

Leviticus 23:13 Referans Kwoze

Joel 2:14

Gai goai e iloo be ia e dee ahe naa dana maanadu ga dugu dahi manuuia, bei sigidaumaha o denga grain ma sigidaumaha o mee unu e vange gi Tagi Maolunga doodou Maadua?

Joel 1:13

De gau haimeedabu, goodou kahu i malo daladala, ma de tangi, de gau hai hegau i de mommee o ssigidaumaha, goodou tangi ssee. De gau e haia hegau i mada luu mada o dogu Maadua, goodou loomai, kahu i malo daladala i dahi boo; go hiidinga gu deai donu sigidaumaha o grain ma sigidaumaha o mee unu, e gaamai gi de hale o doodou Maadua!

Joel 1:9

Gu deai donu sigidaumaha o grain ma mee unu i de hale o Tagi Maolunga. De gau haimeedabu gu tangi, aanei gilaadeu ne haia hegau i mada luu mada o Tagi Maolunga.

Ezekiel 46:14

Goodou e gaamai hogi hanu grain madali ssiibi laa i daiao alodahi, e dahi diba i diba e ono o dahi ephah ma dahi diba i diba e dolu o dahi hin lolo, e hagassii ange gi honga denga pelaoaa. Ssigidaumaha o denga grain se mee ange gi Tagi Maolunga ga hano ai.

Ezekiel 45:24

Gai ia gi gaamai e dahi ephah grain e hai ai ssigidaumaha madali dahi kaau daane, ma dahi ephah madali dahi ssiibi daane laa, ma dahi hin lolo olive madali dahi ephah grain.

Ezekiel 4:11

Gai koe e hagabau hogi au vai e unu; koe e unu e dahi diba i diba e ono o dahi hin i dahi laangi. Gai koe e unu vai nei i denga masavaa gu hagailonga i de laangi.

Numbers 28:10

Deenei ssigidaumaha dudu e hai i denga Sabbath alodahi, madali ssigidaumaha dudu ma ssigidaumaha o mee unu e hai i de laa tubua.

Leviticus 14:10

Gai de valu laangi naa huu gai ia gi gaavee e lua ssiibi daane e deai mee baubau i olaau angaanga, ma dahi ssiibi hahine gu dahi laa ono ngadau gai e deai mee baubau i dono angaanga, ma e dolu diba i diba e madaangahulu o dahi ephah pelaoaa lligi gu hilo ma lolo, ma dahi log lolo olive.

Leviticus 6:20

“Deenei ssigidaumaha a Aaron ma ana dama daane e gaavange gi Tagi Maolunga i de laangi o tangada e hagadabu ai i de lolo: e dahi diba i diba e madaangahulu o dahi ephah o pelaoaa lligi bei ssigidaumaha o grain i de laa tubua, dahi luu baasi e hai ai sigidaumaha i taiao gai de baasi ange laa i de ahiahi.

Exodus 30:24

ma e limalau shekel cassia, i de hagabaaunga o shekel o de hale dabu, ma e dahi hin lolo olive.

Exodus 30:9

Goodou e dee dudu hanu mee maanongi gee i honga de mommee o ssigidaumaha nei, be ni sigidaumaha dudu, be go ssigidaumaha o grain; goodou e dee liingia ange hogi ssigidaumaha o mee unu gi ono elunga.

Leviticus 23:12

Gai de laangi naa huu oodou e daodaohi age ai de noodanga laa, gai goodou e hai hogi ssigidaumaha dudu ange gi Tagi Maolunga, i dahi ssiibi daane gu dahi laa ono ngadau, gai e deai mee baubau i dono angaanga.