Leviticus 22:18 - De Beebaa Dabu

¹⁸ “Hai ange gi Aaron ma ana dama daane aama de gau Israel alodahi, ‘De masavaa naa huu o dahi goodou, aabe go dahi dangada henua gee i Israel, e gaamai ai dahi sigidaumaha ange gi Tagi Maolunga, e dee hilihili be se mee niiana gu hagatoo donu ai aabe se mee ngadi gaavange e hai ai dana sigidaumaha dudu,

Leviticus 22:18 Referans Kwoze

Deuteronomy 12:6

ga kave oodou sigidaumaha dudu ma sigidaumaha ange laa, ma tahi diba i diba e madaangahulu, ma oodou mee e daohi age, ma mee oodou gu lava i de hagatoo donu ai, ma oodou mee e malangilangi i de ngadi gaavange, ma oodou kaau ma ssiibi e haanau i taamada.

Numbers 15:3

gai goodou ga hai dahi sigidaumaha dudu ange gi Tagi Maolunga, i oodou kaau be go oodou ssiibi, be se sigidaumaha niiodou gu hagatoo donu ai, be se sigidaumaha e hai i de malangilangi o tangada, aabe se sigidaumaha e hai i de masavaa o denga daonga gu hagailonga, go ssigidaumaha nnamu kala ange gi Tagi Maolunga,

Leviticus 1:2

“Basa ange gi de gau Israel, hai ange gi gilaadeu: ‘De masavaa naa huu a tangada e gaamai ai dana sigidaumaha gi Tagi Maolunga, gai ia gi gaamai dahi ana kaau, aabe go dahi ana ssiibi.

Acts 18:18

Dua mee laa gai a Paul ne noho i Corinth i dahi masavaa daulooloa. Muli mai gai ia ne dugu hogi denga daina i kilaa, gai ia ga dele ga hano gi Syria madali Priscilla ma Aquila. Gai ia ne dahi dono biho i Cenchrea, go hiidinga ia gu hai dahi hagatoo donu soe.

Nahum 1:15

Galo ange diiloo honga denga mounga, dabuvae o de ia e gaamai de longo danuaa, ma de tala dagodo o de nnoho paba! Judah, haia au daonga, ma de hagassula au hagatoo donu. Go hiidinga gu deai ange dangada baubau e kage mai gi honga doo henua; gilaadeu gu daia ma gu maakau.

Jonah 2:9

Aagai au e hagaahe adu donu de abodonu ma de ssigidaumaha adu gi de goe. Au e hai naa donu gi bei agu mee gu hagatoo donu ai. De hagaola se mee mai i daho Tagi Maolunga.”

Jonah 1:16

Gai denga daane laa gu maatagu mmao i Tagi Maolunga, gai gilaadeu ga hai dahi ssigidaumaha ange gi Tagi Maolunga aama de hai dahi hagatoo donu ange gi de ia.

Ecclesiastes 5:4

Noo koe gu hagatoo donu ange gi de Maadua i dahi mee, gai koe hagamoolau haia gi bei, go hiidinga ia e dee malangilangi i de gau llodo ssenga; hagasula ina dau hagatoo donu.

Psalm 116:18

Au e hagasula naa agu hagatoo donu ange gi Tagi Maolunga, i madamada o ono dangada alodahi,

Psalm 116:14

Au e hagasula naa agu hagatoo donu ange gi Tagi Maolunga, i madamada o ono dangada alodahi.

Psalm 66:13

Au e gaamai naa gi doo hale agu sigidaumaha dudu; au e hagassula naa donu agu mee gu hagatoo donu ai,

Psalm 65:1

De Maadua, e heohi donu de tuhi goe i Zion, ma de hagassula amaadeu hagatoo donu adu gi de goe.

Psalm 61:8

Gai au e daahili naa ga tuhi doo ingoo ga hano ai, ma de hagassula agu hagatoo donu i laangi alodahi.

Psalm 61:5

De Maadua, koe gu langona dagu hagatoo donu, gai koe gu gaamai gi de au de boolonga o dangada e maatagu i de goe.

Psalm 56:12

De Maadua, au e hagasula naa donu agu mee gu hagatoo donu adu ai gi de goe; au e gaavadu naa gi de goe ssigidaumaha e hagaahe adu ai de abodonu gi de goe.

Psalm 22:25

Au e tuhi goe madali doo hagabuulingaa dangada; gai au e hagassula agu mee gu hagatoo donu ai i madamada olaadeu e maatagu i de goe.

Deuteronomy 16:10

Gai goodou ga hai Taonga o denga Uvigi ange gi Tagi Maolunga doodou Maadua; gai goodou ga ngadi gaavange gi de ia ssigidaumaha o grain, gi bei de hai a Tagi Maolunga doodou Maadua gu hagamanuuia ai goodou.

Deuteronomy 12:17

Gai goodou e dee gai tahi diba i diba e madaangahulu o oodou grain i oodou aduhale, ma uvaini aama lolo, ma tama e haanau i mua i oodou kaau ma oodou ssiibi, ma sigidaumaha oodou e hagatoo donu ai, ma mee oodou e malangilangi i de gaavange, ma oodou mee ngadi gaavange.

Leviticus 23:38

Denga sigidaumaha nei ni mee e hagapuni ange gi denga Sabbath a Tagi Maolunga, ma oodou mee ngadi gaavange, ma oodou sigidaumaha gu hagatoo donu ai, madali oodou mee e ngadi gaavange gi Tagi Maolunga.)

Leviticus 17:13

Gai be goai naa huu tangada Israel, be se dangada henua gee i oodou daha, e hano ga dili manu dolodolo be ni manu llele e gai laa, gai ia gi liingia ono dodo ga danu ange i gelegele,

Leviticus 17:10

Noo dahi dangada Israel be se dangada henua gee i oodou magavaa e gai kano manu iai dodo — gai au e hai baasi ange donu gi tangada e gaina kano iai dodo, ga vvae gee ia mai i daho ono dangada.

Leviticus 7:16

Aagai noo dana sigidaumaha se sigidaumaha niiana gu hagatoo donu ai, aabe se mee ngadi gaavange, gai kano o de manu e hai ai e gai i de laangi a tangada e hai ai dana sigidaumaha, gai mee alodahi e doe e maua hogi i de gai i de laangi i ono dua.

Leviticus 1:10

Gai noo tangada e gaamai dahi ssiibi be se guudi e hai ai dana sigidaumaha, gai ia gi hilia mai dahi manu daane e deai laa mee baubau i dono angaanga.

Exodus 12:5

Gai goodou hilia dahi ssiibi aabe se guudi daane gu dahi ono ngadau, gai e deai mee baubau i dono angaanga;

Leviticus 22:17

Gai Tagi Maolunga ne hai ange gi Moses,

Amos 4:5

Haia ssigidaumaha e hagaahe ange de abodonu i pelaoaa hagahua, ma de tala tuhi oodou sigidaumaha ngadi gaavange — gai goodou ga tuhi ai goodou, de gau Israel, go hiidinga deenei doodou mee e llodo e hai, go de Ia Aamua go Iahweh e hagadaba.

Malachi 1:14

E malaia tangada gu hagatoo donu bolo ia e hai dana sigidaumaha i dahi ana ssiibi daane, aagai ne sigidaumaha ange gi de Ia Aamua i dahi manu e hanu mee baubau i dono angaanga. Go hiidinga au se Hodooligi maolunga, gai dogu ingoo se ingoo hagamaatagu i daho denga huaahenua, go Tagi o denga hagabuulinga hebagi e hagadaba.

2 Chronicles 31:14

Gai Kore, tama daane a Imnah, taane de aamuli o Levi, e hagaloosi de haitoga i baasi dua, ma mee ngadi gaavange a dangada e gaavange gi de Maadua, ma de duha mee gu gaavange gi Tagi Maolunga ma mee ngadi gaavange dabu laa.