Leviticus 21:15 - De Beebaa Dabu

¹⁵ gai gi dee haia ai e ia gi hakino gee ono hagadiilinga i magavaa ono dangada. Go au donu go Iahweh, de ia ne vaaea gee ia ga hai gi dabu.’ ”

Leviticus 21:15 Referans Kwoze

1 Corinthians 7:14

Go hiidinga taane dau bodu e dee hagadonusia laa e hai ga dabu i hiidinga o dono bodu, gai de hine dau bodu e dee hagadonusia laa e hai ga dabu i hiidinga o dono bodu. Noo e dee deenei tagodo, gai oodou dama e dee gilimalali, gai iainei gilaadeu gu hagabinga bolo e dabu.

Romans 11:16

Noo tiba i mua o de laabunga ne sigidaumaha laa e dabu, gai de laabunga alodahi e dabu hogi; noo denga aga o de manu somo e dabu, aagai denga laa alodahi e dabu hogi.

Malachi 2:15

E aha, e dee go de Maadua ne haia gooluu gi dahi? De angaanga ma de hagasaalunga ni mee niiana. Gai se aha a de Maadua e ssala? Go denga hagadiilinga dabu. Deenei ai, goodou dagidiiloo dagodo o oodou lodo, goodou gi dee oohaa de hagatoo donu ange gi doo bodu mai i doo masavaa e dama daane ai.

Malachi 2:11

Judah gu oha delaadeu hagatoo donu. Dahi hegau hakino gee gu hai i Israel ma Jerusalem: dangada o Judah gu hai ma gu hakino gee de mommee dabu o Tagi Maolunga e aloha ai laa, gilaadeu gu hai bodu ange gi denga haahine e daumaha ange gi diinonga gee.

Ezra 9:2

Gilaadeu gu kave hanu alaadeu damaa hine ma gu hai ai olaadeu bodu ma de hai ai bodu o alaadeu dama daane, gilaadeu gu hai ma gu hilo de huaadangada dabu ma dangada o de henua. Gai go denga dagi ma de gau aamua ne damadaa de hai de hegau hakino gee nei.”

Ezra 2:62

De gau nei ne ssala olaadeu ingoo i lodo beebaa e sisi ai ingoo, gai tee gidee e gilaadeu; deelaa ai, gilaadeu gu dee gilimalali ma tee dau madali de gau haimeedabu.

Leviticus 21:8

Gai koe vaaea gee ia ma gi haia gi dabu, i hiidinga go ia e haia ssigidaumaha o pelaoaa a doodou Maadua. Gai vaaea gee ia ma gi haia gi dabu; go hiidinga go au go Iahweh, au e dabu, go de ia ne vaaea gee goodou ga hai gi dabu.

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

Matthew 23:17

Goodou ni dangada llodo ssenga ma tee kide! Dee hee de mee hagamogomogo, go goolo o de temple, aabe go de temple e haia laa ga dabu goolo laa?

Leviticus 21:14

Ia e dee hai bodu ange gi de hahine gu magau dono bodu, be se hine gu maavae, aabe se hine gu hakino gee i de hai be se manu, aagai ia e hai bodu ange donu huu gi dahi bua moe i magavaa o ono dangada,

Leviticus 21:16

Gai Tagi Maolunga ne hai ange gi Moses,

Exodus 34:16

gai goodou e kave naa hogi alaadeu damaa hine ga hagahai bodu ange gi oodou dama daane, gai alaadeu damaa hine ga hai denga dahulinga baubau i delaadeu daumaha ange gi olaadeu diinonga, gai gilaadeu ga hai oodou dama daane gi daumaha ange gi olaadeu diinonga.

Leviticus 19:2

“Basa ange gi de hagabuulingaa dangada o Israel, hai ange: ‘Goodou gi dabu, go hiidinga au e dabu, go au go Iahweh doodou Maadua.

Leviticus 20:7

Deenei ai, goodou vaaea gee goodou, ma de hai gi dabu goodou; i hiidinga go au donu go Iahweh doodou Maadua.

Leviticus 22:16

gi dee dau ange ai ssala laa gi gilaadeu, i delaadeu gai denga mee dabu. Go au donu go Iahweh ne vaaea gee gilaadeu ga hai gi dabu.’ ”