Leviticus 21:11 - De Beebaa Dabu

¹¹ Ia e dee ulu hogi i de mommee iai dahi dangada magau. Ia e dee hai donu gi dee gilimalali ia, e dee galemu donu go dono damana aabe go dono dinana ne magau.

Leviticus 21:11 Referans Kwoze

Numbers 19:14

Gai deenei de hainga ange gi de masavaa o dahi dangada e magau ai i dahi hale malo: dangada alodahi e ulu i lo te hale laa, ma dangada alodahi e nnoho i kilaa gu dee gilimalali i e hidu laangi.

Numbers 6:7

E dee hilihili donu be go dono damana be go dono dinana ne magau, aabe go dahi ono daina, ia gi dee alaange i de hai gi dee gilimalali ia; i hiidinga de hagailonga o dono vvae gee e hai gi dabu ange gi dono Maadua go dono biho lloa.

Leviticus 19:28

Gai goodou e dee selesele oodou angaanga i hiidinga o dahi dangada magau aabe e maaga oodou angaanga. Go au go Iahweh.

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

Luke 14:26

“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

Deuteronomy 33:9

Ia ne hagadaba i dono damana ma dono dinana, ‘Au e dee anga ange donu gi gilaau.’ Ia ne hagangadi mee ono daina gai ne tili ana dama. Go hiidinga gilaadeu ne daudali i au muna, ma de daohi dau hagatoo donu hagaheloongoi.

Numbers 19:11

Tangada e poo ange laa gi tangada magau e dee gilimalali i e hidu laangi.