Leviticus 20:27 - De Beebaa Dabu

²⁷ Gai taane be se hine e hagaagahia ange hagasaalunga o de gau maakau, be se dangada e basa ange gi denga hagasaalunga baubau, e daa donu gi magau. Gai de gau bee nei e maga donu gi maakau i denga hadu; gai olaadeu haisala e dau ange donu gi gilaadeu.’ ”

Leviticus 20:27 Referans Kwoze

Leviticus 19:31

Aude hano gi denga hilohilo ma eidu, be saalaa ange gilaadeu e pasa ange gi hagasaalunga o de gau maakau, gai gilaadeu ga hai ai ga dee gilimalali goodou. Go au go Iahweh doo Maadua.

Leviticus 20:6

Gai noo dahi dangada e ssala tangada e hagahia laa hagasaalunga o de gau maakau ma gilaadeu e pasa ange gi denga hagasaalunga baubau, gai au e hai baasi ange donu gi tangada laa, ga vvae gee ia gi dee nnoho madali ono dangada.

Exodus 22:18

Aude dugua donu dahi hahine hai huuhuaa mee gi mouli.

Acts 16:16

Dahi laangi gai gimaadeu ne hulo gi de mommee dalodalo, gai gimaadeu ne hedae ange gi dahi damaa hine gu noho ai dahi hagasaalunga baubau, e daalaa laa mee tigi loomai. Gai ne hai ga lagolago sseene a dono dangada aamua i dana tala mee tigi loomai.

Leviticus 20:2

“Basa ange gi de gau Israel, hai ange, ‘Noo dahi dangada Israel, aabe se dangada henua gee e noho laa i daho de gau Israel, e gaavange dahi ana dama e sigidaumaha ange gi Molek, gai ia e daa donu gi magau. Dangada o de henua gi magaa ia gi magau i denga hadu.

Leviticus 24:14

“Hagasao ina mai taane ne basa hagangadi mee i dogu ingoo, ga kave ia gi tua de mommee nnoho gaainga. Gai dangada alodahi ne langona ana muna, gi dugua ange olaadeu lima gi honga dono biho, gai dangada alodahi gi magaa ia gi magau i denga hadu.

Numbers 15:35

Gai Tagi Maolunga ga hai ange gi Moses, “Taane naa e daa donu gi magau. De hagabuulingaa dangada alodahi gi gaavee ia, gi tua de mommee nnoho gaainga ga maga ai ia gi magau.”

Deuteronomy 21:21

Gai denga daane alodahi o dono aduhale gi magaa ia gi magau i denga hadu. Gai goodou ga aau gee ai de baubau mai oodou magavaa, gai gi maatagu ai de gau Israel alodahi i delaadeu langona mee nei.

1 Samuel 28:3

De masavaa laa gai Samuel ne magau, gai de gau Israel alodahi ne kave ia ga danu i dono aduhale go Ramah, i dua delaadeu tangi i de ia. Gai a Saul ne alualu denga hilohilo ma eidu, ma de gau hai huuhuaa mee gi hulo gee mai i de henua.

2 Chronicles 33:6

Gai ia ne sigidaumaha ana dama i lo te ahi i de geelonga go Ben Hinnom, ma de tala mee e dee iloo, ma de hai huuhuaa mee, ma de ssala denga hagailonga, ma de ssala de bale i daho denga hilohilo ma eidu, ma denga hagasaalunga o de gau maakau. Gai ne lagolago ana hegau baubau ne hai i mada luu mada o Tagi Maolunga, ga hai ai ia gu lili.