Leviticus 20:11 - De Beebaa Dabu

¹¹ Gai taane e dagodo haisala ma dono maa, e bei donu ia gu hagangadi mee dono damana. Gai gilaau ngaadahi e daa donu gi maakau; gai delaau maakau e dau ange donu huu gi gilaau.

Leviticus 20:11 Referans Kwoze

Deuteronomy 27:23

“E malaia tangada e dagodo haisala ma tinana o dono bodu.” Gai dangada alodahi gi hai ange, “Amen!”

Deuteronomy 27:20

“E malaia tangada e dagodo haisala ma de bodu o dono damana, go hiidinga ia tee hagadubu dono damana.” Gai dangada alodahi gi hai ange, “Amen!”

1 Corinthians 5:1

Gai gu hagadele mai bolo hanu dahulinga dagodo haisala e hai i oodou magavaa, gai ni dahulinga donu e dee hai i daho denga Gentile; dahi daane e dagodo haisala ma de bodu o dono damana.

Amos 2:7

Gilaadeu ne dagadagahi biho o de gau hagaau aloha, gi lo te gelegele, gai tee hagamodu muna o dangada e duasala i de heohi. Dahi daane ma dono damana e dagodo haisala ma dahi hahine daudahi, gai gilaadeu ga hagangadi mee ai dogu ingoo dabu.

Deuteronomy 22:30

Taane gi dee hai bodu ange gi de bodu o dono damana; ia e dee hagangadi mee dono damana.

Leviticus 18:6

Gai e deai donu se goodou e dagodo haisala madali dono dangada donu. Go au donu go Iahweh.