Leviticus 2:13 - De Beebaa Dabu

¹³ Gai koe gi gaavange soolo gi denga sigidaumaha alodahi e hai i grain; gai koe gi dee ngalo de gaavange soolo gi au sigidaumaha o grain, de mee nei se hagatoo donu hagaheloongoi i oodou magavaa ma doodou Maadua; oodou sigidaumaha o grain e gaavange soolo aagena.

Leviticus 2:13 Referans Kwoze

Ezekiel 43:24

Gai koe ga hai ai sigidaumaha i mada luu mada o Tagi Maolunga. Gai de gau haimeedabu gi hagamalili ina ange soolo aagena, ga hai ai ssigidaumaha dudu ange gi Tagi Maolunga.

Matthew 5:13

“Go goodou soolo o de henua. Aagai noo denga soolo gu dee mami soolo, gai dee hee ai naa de hai e hagaahe ange ai e hai gi mami soolo? Gu deai ono haigamaiana, gai go de tili ange donu huu gi de mommee e dagadagahia ai e dangada.

Colossians 4:6

Goodou gi abodonu i oodou muna e tala i masavaa alodahi, bei dagodo o gai gu soolo ma gu mami danuaa, gai gi iloo ai e goodou de hai oodou e pasa ange gi dangada alodahi.

2 Chronicles 13:5

Goodou tigi iloo laa bolo Tagi Maolunga, de Maadua o Israel, gu gaavange de nohoanga hodooligi o Israel gi David ma dono hagadiilinga ga hano ai, i de hagatoo donu hagaheloongoi ne hai laa i soolo?

Numbers 18:19

Au gu gaavadu hogi gi goodou ma oodou dama, denga sigidaumaha dabu alodahi a de gau Israel e gaavange gi Tagi Maolunga, e hai ai doodou duuhanga ga hano ai. De mee nei se hagatoo donu hagaheloongoi e hai i soolo i mada luu mada o Tagi Maolunga, gai se mee adu gi goodou ma oo hagadiilinga ga hano ai.”

Ezra 7:22

ga dae ai loo gi de lau talent selevaa, ma e lau cor grain, ma e lau bath uvaini, ma e lau bath lolo olive, aama soolo lagolago mmao.

Exodus 30:35

gai koe ga hilo mee ga hai ai dahi vai manongi, bei mee a tangada hai vai manongi e hai. De vai nei e gaavange soolo aagena, gai e masalaba ma de dabu.