Leviticus 2:12 - De Beebaa Dabu

¹² Gai goodou e maua i de sigidaumaha ange mee nei gi Tagi Maolunga madali oodou huamanu e hagihagi i taamada, aagai mee nei e dee dudu i honga de mommee o ssigidaumaha bei ssigidaumaha nnamu kala.

Leviticus 2:12 Referans Kwoze

Exodus 23:19

Koe gaamai gi de hale o Tagi Maolunga doo Maadua denga hua i taamada o denga manu ssomo i honga doo gelegele. Aude duunaa tama a de guudi i lodo vai uu o dono dinana.

Revelation 14:4

Gai de gau laa alodahi ni daane gilimalali, gilaadeu tigi hulo gi daho denga haahine e hai ai gi hakino gee gilaadeu. Aanei gilaadeu e daudali ange laa i Ssiibi Gauligi i mommee alodahi oona e hano aagena. Gilaadeu nei gu lava i de hagao ma gu hagaola mai i magavaa o dangada e hai ai denga hua i taamada ange gi de Maadua ma Ssiibi Gauligi.

2 Chronicles 31:5

Gai de masavaa huu ne adi ange ai muna laa, gai de gau Israel ga gaamai denga grain, ma uvaini, ma lolo, ma hooni aama mee alodahi ne hagihagi i taamada i honga alaadeu veelenga. Gai ne lagolago mmao alaadeu mee ne gaamai, go tahi diba i diba e madaangahulu o mee alodahi.

Deuteronomy 26:10

Gai anailaa nei gai au ne gaamai denga huamanu ne hagihagi i taamada i honga de gelegele a Tagi Maolunga gu gaamai gi de au.” Gai koe ga dugu ange de gede laa gi mada luu mada o Tagi Maolunga doo Maadua, gai koe ga daumaha i mada i mua o Tagi Maolunga doo Maadua.

Numbers 15:20

Gai goodou haia hogi dahi pelaoaa i pelaoaa lligi o denga grain e hai laa i taamada, bei doodou hai e gaamai ai laa dahi ssigidaumaha mai i de mommee hili huamanu.

Leviticus 23:10

“Basa ange gi de gau Israel, hai ange, ‘De masavaa naa huu oodou e hulo ai ga nnoho i de henua aagu e gaavadu gi goodou, gai goodou ga hagihagi hua manu i honga o oodou gelegele, gai goodou gaamai gi tangada haimeedabu dahi noodangaa grain mai i oodou grain e hagihagi i taamada.

Leviticus 7:13

Ia gi gaamai hogi hanu duudangaa pelaoaa iai mee hagahua madali dana ssigidaumaha hagadanuaa magavaa.

Exodus 22:29

Aude daohia denga sigidaumaha mai i au mommee hhao huamanu aabe go au mommee kumi uvaini. Koe e gaamai hogi gi de au dau dama daane madua.

Genesis 23:17

Gai de alahenua o Ephron i Machpelah, se mommee i de baasi ange gi Mamre, go de alahenua laa alodahi ma de haonga i gaogao o tuuduu i kilaa, aama denga manu ssomo alodahi,

1 Corinthians 15:20

Aagai se muna abodonu Klisdo ne mouli age donu i de magau, go ia de hua i taamada i dangada gu maakau laa.

Exodus 34:22

Gai goodou dao ina Taonga o Denga Uvigi, i de masavaa e hagihagi ai denga grain i taamada, ma Taonga o de Hagabudu i de hagaodi o de ngadau.

Leviticus 23:17

Gai goodou ga gaamai, i oodou mommee nnoho, e dagilua duudangaa pelaoaa e daodaohi age, gai haia i e lua diba i diba e madaangahulu o dahi ephah pelaoaa lligi, ga labu i mee hagahua ga dao, aanei mee e gaavange gi Tagi Maolunga i denga hua i taamada.

Numbers 18:12

Au gu gaavadu hogi gi goodou denga lolo danuaa hugadoo, ma denga uvaini hoou aama grain a dangada e ngadi gaavange gi Tagi Maolunga, mai i denga huamanu e hagihagi i taamada.