Leviticus 19:36 - De Beebaa Dabu

³⁶ Gai goodou hai hegau i denga mee hagahidi heohi, ma denga hagabaaunga o taemaha gi heohi, de hagabaaunga o dahi ephah ma dahi hin heohi. Go au donu go Iahweh doodou Maadua, ne hagassao ina mai goodou i de henua go Egypt.

Leviticus 19:36 Referans Kwoze

Proverbs 11:1

Tagi Maolunga e kino i de mee hagahidi hagasenga, aagai e malangilangi i de mee hagahidi e heohi abodonu.

Exodus 20:2

“Go au go Iahweh, doo Maadua, ne hagasao ina mai laa goe i de henua go Egypt, go de henua oou nogo hai hegau hagaduasala ina ai.

Proverbs 20:10

Denga mee hagahidi ma mee haide hadu muna, ni mee niio Tagi Maolunga e kino ai.

Leviticus 19:37

Goodou hai hegau i agu muna alodahi gu hagasauaa ma agu hagamodu mage daudali ai. Go au donu go Iahweh.’ ”

1 Chronicles 23:29

Gilaadeu e balea de hai denga pelaoaa dabu, ma pelaoaa mada e hai ai ssigidaumaha o grain, ma besgede e deai mee hagahua iai, ma mee e dao e hai ai ssigidaumaha, ma ssigidaumaha e hilo ma lolo olive, gai mee alodahi ne hagahidi ma de haide.

Ezekiel 45:10

Goodou haia oodou hagabaaunga gi heohi; de hagabaaunga o dahi ephah gi heohi, gai de hagabaaunga o dahi bath gi heohi.

Micah 6:11

Dee hee dagu hai e degi ange ai gi dangada e hai hegau i de mee hagahidi hagasenga ma de beagi hagahidi hagasenga?

Zechariah 5:6

Gai au ne ssili ange, “Se aha donu deelaa?” Ia ne hai mai, “De mee naa se gede e lele naa ma e hano.” Ia ne hai mai hogi, “Gai e hhao ai baubau o dangada i henua i lalo alodahi.”

Leviticus 11:45

Go au Tagi Maolunga ne hagassao ina mai laa goodou i de henua go Egypt, gai au ga hai ai go doodou Maadua; deenei ai, goodou gi dabu, i hiidinga au e dabu.

Proverbs 16:11

De mee haide ma de mee hagabau heohi ni mee nii Tagi Maolunga; gai mee alodahi e hagahidi go ia ne haia.