Leviticus 19:31 - De Beebaa Dabu

³¹ Aude hano gi denga hilohilo ma eidu, be saalaa ange gilaadeu e pasa ange gi hagasaalunga o de gau maakau, gai gilaadeu ga hai ai ga dee gilimalali goodou. Go au go Iahweh doo Maadua.

Leviticus 19:31 Referans Kwoze

Isaiah 8:19

Gai ga hai adu naa huu dangada, goodou gi hulo gi siilia i daho denga hilohilo ma eidu, ma dangada e pasa ange gi denga hagasaalunga, ma de musumusu ange gi gilaadeu — gai e aha, e dee go de Maadua e heohi doodou ssili ange mee nei aagena? Gai gu aha goodou gu ssili ange ai gi de gau maakau dagodo o dangada goi mouli laa?

Leviticus 20:27

Gai taane be se hine e hagaagahia ange hagasaalunga o de gau maakau, be se dangada e basa ange gi denga hagasaalunga baubau, e daa donu gi magau. Gai de gau bee nei e maga donu gi maakau i denga hadu; gai olaadeu haisala e dau ange donu gi gilaadeu.’ ”

2 Chronicles 33:6

Gai ia ne sigidaumaha ana dama i lo te ahi i de geelonga go Ben Hinnom, ma de tala mee e dee iloo, ma de hai huuhuaa mee, ma de ssala denga hagailonga, ma de ssala de bale i daho denga hilohilo ma eidu, ma denga hagasaalunga o de gau maakau. Gai ne lagolago ana hegau baubau ne hai i mada luu mada o Tagi Maolunga, ga hai ai ia gu lili.

1 Chronicles 10:13

Gai a Saul ne magau i hiidinga ia tee hai hegau i de muna abodonu ange gi Tagi Maolunga; ia tee daohi muna a Tagi Maolunga, aagai ia ne hano ga ssala de bale mai i daho dahi hahine hai huuhuaa mee,

2 Kings 21:6

Ia ne dudu dana dama daane i lo te ahi, ga hai ai ssigidaumaha, ia ne hai denga huuhuaa mee, ma de tala mee e loomai, ma de ssala de bale i daho denga hilohilo ma eidu, ma denga hagasaalunga o de gau maakau. Gai ne lagolago donu ana hegau baubau ne hai i mada luu mada o Tagi Maolunga ga hai ai ia ga lili.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

1 Samuel 28:3

De masavaa laa gai Samuel ne magau, gai de gau Israel alodahi ne kave ia ga danu i dono aduhale go Ramah, i dua delaadeu tangi i de ia. Gai a Saul ne alualu denga hilohilo ma eidu, ma de gau hai huuhuaa mee gi hulo gee mai i de henua.

Isaiah 47:13

Koe gu goso i de hagallongo muna bale lagolago; gilaadeu gi hiihidi age mage hagaola ina goe; gilaadeu e diiloo mee i lo te langi gi loomai, ma gilaadeu e diiloo denga heduu ma gilaadeu e daalaa adu gi goodou mee e loomai i de duu de maasina i dai.

Isaiah 29:4

Gai koe e baguu naa gi honga de gelegele, ma de dagodo i lo te gelegele ga basa ai. Doo leo e basa age naa i lo te gelegele oou gu dagodo ai laa, au muna e musumusu e loage naa i lodo gelegele.

Exodus 22:18

Aude dugua donu dahi hahine hai huuhuaa mee gi mouli.

Galatians 5:20

ma de daumaha ange gi denga diinonga, ma de hai huuhuaa mee, ma de hagadau kino, ma de hagadau hebagi, ma de lodo gaiaa, ma de lili, ma tee anga ange gi dangada, ma tee buni, ma de hagadau hai baasi,

2 Kings 17:17

Gilaadeu ne sigidaumaha alaadeu dama daane ma damaa hine i lo te ahi. Gilaadeu ne tala hogi mee e dee iloo, ma de ssala denga hagailonga, ma de hai denga hegau baubau alodahi i mada luu mada o Tagi Maolunga, ga hai ai ia ga lili.

Acts 8:11

Gai gilaadeu ne daudali ange i de ia go hiidinga ia ne kave olaadeu lodo i ana huuhuaa mee i dahi masavaa daulooloa.

Leviticus 19:26

Goodou e dee gai kano manu iai dodo. Goodou e dee hai buubuu e tala i mee e dee iloo, aabe e hai denga huuhuaa mee.

2 Kings 23:24

Gai Josiah ne hai hogi gi deai dangada e pasa ange gi de gau maakau, ma dangada e pasa ange gi denga hagasaalunga baubau, ma diinonga o denga huaabodu, ma diinonga hakino gee alodahi i Judah ma Jerusalem. Ia ne hagassula muna gu sisi i lo te beebaa o de hainga a tangada haimeedabu go Hilkiah ne gidee laa i lo te hale o Tagi Maolunga.

Leviticus 19:3

Tangada gi hagadubu ina dono dinana ma dono damana, ma de daohi agu Sabbath. Go au donu go Iahweh doodou Maadua.