Leviticus 19:26 - De Beebaa Dabu

²⁶ Goodou e dee gai kano manu iai dodo. Goodou e dee hai buubuu e tala i mee e dee iloo, aabe e hai denga huuhuaa mee.

Leviticus 19:26 Referans Kwoze

2 Kings 17:17

Gilaadeu ne sigidaumaha alaadeu dama daane ma damaa hine i lo te ahi. Gilaadeu ne tala hogi mee e dee iloo, ma de ssala denga hagailonga, ma de hai denga hegau baubau alodahi i mada luu mada o Tagi Maolunga, ga hai ai ia ga lili.

2 Chronicles 33:6

Gai ia ne sigidaumaha ana dama i lo te ahi i de geelonga go Ben Hinnom, ma de tala mee e dee iloo, ma de hai huuhuaa mee, ma de ssala denga hagailonga, ma de ssala de bale i daho denga hilohilo ma eidu, ma denga hagasaalunga o de gau maakau. Gai ne lagolago ana hegau baubau ne hai i mada luu mada o Tagi Maolunga, ga hai ai ia gu lili.

2 Kings 21:6

Ia ne dudu dana dama daane i lo te ahi, ga hai ai ssigidaumaha, ia ne hai denga huuhuaa mee, ma de tala mee e loomai, ma de ssala de bale i daho denga hilohilo ma eidu, ma denga hagasaalunga o de gau maakau. Gai ne lagolago donu ana hegau baubau ne hai i mada luu mada o Tagi Maolunga ga hai ai ia ga lili.

Deuteronomy 12:23

Aagai goodou dagidiiloo gi dee gaina e goodou kano manu iai dodo, i hiidinga todo go de mouli, gai goodou e dee gai de mouli madali denga kano.

Leviticus 7:26

Goodou e dee alaange donu i de gai dodo o dahi manu lele aabe se manu dolodolo, i mommee alodahi oodou e nnoho ai.

Leviticus 3:17

De mee nei se mee gu hagasauaa adu gi goodou ma oodou atangada alodahi, i mommee alodahi oodou e nnoho ai ga hano ai: goodou e dee gai donu denga mee moomuna ma dodo.’ ”

Jeremiah 10:2

E hagadaba Tagi Maolunga: “Goodou aude ago ange i dahulinga a denga huaahenua, aabe gi maatagu i denga hagailonga i lo te langi, e dee galemu donu de maatagu o denga huaahenua i mee nei.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Daniel 2:10

Gai de gau Chaldea ne pasa ange, ga hai ange gi de hodooligi, “E deai donu se dangada daudahi i henua i lalo e maua i de tala ange gi de hodooligi dana midi; go hiidinga tigi ai donu se hodooligi maolunga, aabe se dagi ne siilia ange dahi mee bee nei gi dahi dangada hai sauaa, be se dangada hai huuhuaa mee, aabe se dangada Chaldea.

1 Samuel 15:23

De hai baasi ange gi de ia e bei de hai huuhuaa mee, gai de lodo maolunga e bei de daumaha ange gi denga diinonga. Go hiidinga koe ne kino i muna a Tagi Maolunga, deelaa ai, ia gu kino hogi i de hai goe gi hodooligi.”

Exodus 8:7

Aagai de gau hai huuhuaa mee ne helau hogi gu loage denga kailu gi honga de henua go Egypt.

Exodus 7:11

Gai Pharaoh ga hagahi ono daane heiangi ma de gau hai huuhuaa mee; gai de gau hai huuhuaa mee o Egypt ga hai hogi olaadeu dogo gu ni labodo.

Acts 15:20

Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.

Genesis 9:4

Aagai goodou e dee gai donu kano iai de mouli, e bei go kano go iai ono dodo.

Genesis 44:5

E dee deenei de ubu a dogu dangada aamua e unu ai laa, ma de tala ai mee e dee iloo? Goodou gu hai dahi hegau baubau.’ ”

Leviticus 19:25

Aagai de lima ngadau naa huu, gai goodou gu maua i de gai hua oodou e hagihagi. Mee nei se hai gi hhua lagolago ai oodou manu. Go au donu go Iahweh doodou Maadua.

Deuteronomy 12:16

Goodou e dee gai donu dodo; gai liingia gi honga de gelegele bei vai.

Deuteronomy 15:23

Aagai goodou e dee gai dodo, gai liingia gi honga de gelegele bei denga vai.

1 Samuel 14:32

Gai dangada ne hagamoolau ga hulo, gi de mommee iai goloa ne maua mai i de hebagi, gai gilaadeu ga kave hanu ssiibi ma kaau aama hanu kaau gauligi, ga daa i honga de gelegele i kilaa ga gai mada madali denga dodo.

1 Samuel 14:33

Gai hanu ne tala ange gi a Saul, ga hai ange, “Tilo, denga daane gu haisala ange gi Tagi Maolunga i delaadeu gai kano mada iai dodo.” Saul ne hai ange, “Goodou tee hai hegau i de mee abodonu. Hagadigelia mai dahi hadu laumalie gi kinei.”