Leviticus 19:11 - De Beebaa Dabu

¹¹ Goodou aude gaiaa. Goodou aude hadu muna. Goodou aude hagadau daahanga ina goodou.

Leviticus 19:11 Referans Kwoze

Exodus 20:15

Aude gaiaa.

Colossians 3:9

Goodou gi dee hagadau daahangadia goodou, go hiidinga goodou gu hagaui ma gu tili tangada duai ma ana dahulinga alodahi,

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

Psalm 101:7

E deai donu se dangada e hai hegau hagasenga e maua i de noho i dogu hale; gai e deai donu se dangada hadu muna e maua i de noho madali au.

Romans 3:4

E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange, “Koe e hagaheohi donu i doo masavaa e basa ai, ma de kii i de masavaa aau e hagamodu ai muna.”

Deuteronomy 5:19

Aude gaiaa.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

1 Timothy 1:10

ma gilaadeu e dagodo haisala, ma denga daane e dagodo haisala madali denga daane, ma gilaadeu e hagao ina dangada gi daha, ma de gau hadu muna, ma dangada e oohaa alaadeu hagatoo donu, aama de hai mee alodahi e hai baasi ange laa gi denga agoago heohi,

Ephesians 4:28

Tangada gaiaa gi dee gaiaa, aagai ia gi hai hegau, ma de hai mee danuaa i luoono lima, gi maua ai e ia i de bale ange gilaadeu e duasala.

Jeremiah 6:13

Mai i tangada maolalo ga dae ai gi tangada maolunga, go gilaadeu alodahi e nnoo ange laa gi mee e maua i hegau dee heohi; gai mai i denga pelaabisi ga dae ai gi de gau haimeedabu, gilaadeu alodahi e hai hegau i de hadu muna.

Psalm 116:11

Gai au ne hagadaba i dogu madagu, “Dangada alodahi ni dangada hadu muna.”

Exodus 22:7

Noo dahi dangada e gaavange hanu sseene be ni goloa, gi tangada e baa ange gi de ia gi doange ina, gai gu gaiaadia ga gaavee gee mai i de hale laa, gai noo gu gidee mai tangada ne gaiaadia mee laa, gai ia e hagao donu ana mee ne gaiaa laa, gi lua hanonga e lagolago ange ai.

Exodus 22:1

“Noo dahi dangada gu gaiaa dahi kaau daane be se ssiibi ga daa be e hagao gi daha, gai ia e sui ange dana kaau ne gaiaa laa i e lima kaau, gai e haa ssiibi e sui ai dana ssiibi ne gaiaa laa.

Exodus 20:17

Aude nnoo ange gi de hale o tangada e baa adu gi de goe. Aude nnoo ange gi de bodu o tangada e baa adu gi de goe, be go dono daane hai hegau, be go dono hahine hai hegau, be go dana kaau, be go dana donkey, aabe go dahi ana mee daudahi.”

1 Kings 13:18

Gai ia ga hai ange gi taane laa, “Au se pelaabisi hogi bei oo dagodo, gai tangada de langi ne tala mai muna a Tagi Maolunga, ga hai mai, ‘Hannoo hagaahea mai ia madali goe gi doo hale, e gaimee ai ia ma de unu.’ ” Aagai ia ne hadu muna ange gi de ia.

Exodus 20:16

Aude hagabaubau ina tangada e baa adu gi de goe i hanu muna hhadu.

Exodus 23:1

“Aude hagadele ina denga longo hhadu. Aude hagabuni ange gi tangada baubau gi daalaa hagadonu ina ai ana muna hhadu.

Leviticus 19:10

Gai koe e dee hagihagia gi odi hua o au veelengaa grape, ma de ogo gi odi grape gu malili laa; aagai dugua ange mee nei maa de gau hagaau aloha, ma de gau henua gee. Go au donu go Iahweh doodou Maadua.

2 Samuel 17:20

De masavaa o denga daane o Absalom ne loomai gi daho de hine i de hale laa, gai gilaadeu ne ssili ange, “I hee ai Ahimaaz ma Jonathan?” De hine laa ne hai ange gi gilaau, “Gilaau gu hulo laa lo te vai ma gu hulo ai gi de baasi laa.” Gai denga daane laa ne hulo ga ssala gilaau aagai gilaadeu tee gidee dahi dangada, gai gilaadeu ga aahe gi Jerusalem.

Proverbs 24:28

Aude hagabaubau ina tangada e baa adu gi de goe i teai hiidinga, aabe gi daahanga ina dangada i au muna.