Leviticus 18:5 - De Beebaa Dabu

⁵ Goodou daohia agu muna gu hagasauaa ma agu hagamodu, go mee e maua ai gi mouli tangada noo ia e hai hegau ai. Go au donu go Iahweh.

Leviticus 18:5 Referans Kwoze

Romans 10:5

Moses ne sisi dagodo de hagaheohi o tangada i dono daudali i de hainga: “Tangada e hai hegau i de hainga e mouli ai donu.”

Ezekiel 20:11

Au ne gaavange gi gilaadeu agu muna gu hagasauaa ma de hai gi iloo e gilaadeu agu hainga, go mee e mouli ai tangada noo ia e daudali ai.

Galatians 3:12

Aagai de hainga e dee dagelo ange gi de gai; go hiidinga “Tangada e daudali i de hainga alodahi e mouli ai donu.”

Luke 10:28

Iesu ne hai ange gi de ia, “E heohi au muna, hannoo haia de mee nei gi mouli ai goe.”

Ezekiel 20:21

Aagai denga dama ne hai baasi mai gi de au: gilaadeu tee daudali i agu mee gu hagasauaa, gilaadeu tee kana ange e daohi agu hagamodu — go mee o tangada e mouli ai noo ia e daudali ai — gilaadeu ne hagangadi mee hogi agu Sabbath. Deelaa ai, au ne hagadaba bolo au ga hagaduasala gilaadeu i dogu bole, ma de hai baasi ange gi gilaadeu i de vao gi sili ai dogu lili i de vao.

Ezekiel 20:13

Gai de gau Israel ne hai baasi mai gi de au i de vao. Gilaadeu tee daudali i agu mee gu hagasauaa, aagai ne tili agu hainga — go mee e haia ga mouli tangada, noo ia e daudali ai — gai gilaadeu ne hagangadi mee agu Sabbath. Deelaa ai, au ne maanadu de hagaduasala, ma de daa gilaadeu gi maakau i de vao, i hiidinga dogu bole.

Exodus 6:6

Deenei ai, daalaa ange gi de gau Israel, hai ange, ‘Go au donu go Iahweh, au e kave gee naa goodou mai i mee hagadaemaha a de gau Egypt e hai ange naa gi goodou, ma de hagaola gilaadeu mai i mee oodou hagaduasala ina ai. Gai au e hagaola naa goodou i dogu lima sauaa ma de hai denga hegau hagalele mouli e hagaduasala ai de gau Egypt.

Exodus 6:2

Gai de Maadua ga hai ange hogi gi Moses, “Go au donu go Iahweh;

Malachi 3:6

“Go au go Iahweh, au e dee sui donu. Deelaa ai, goodou denga hagadiilinga o Jacob tee odi i de maakau.

Exodus 6:29

gai ia ne hai ange, “Go au donu go Iahweh! Gai koe daalaa ange gi Pharaoh, de hodooligi o Egypt agu muna alodahi e tala adu gi de goe.”

Matthew 19:17

Iesu ne hai ange gi de ia, “Gu aha gu ssili mai ai naa goe gi de au be se aha e danuaa? E dahi donu huu e danuaa. Noo koe e lodo e kave de mouli, gai koe daudali i denga hainga.”

Romans 7:10

Muna o de hainga ne gaamai laa gi maua ai e au de mouli, gu hai gi duu ange au gi de magau.

Leviticus 18:6

Gai e deai donu se goodou e dagodo haisala madali dono dangada donu. Go au donu go Iahweh.

Deuteronomy 4:1

De gau Israel, goodou hagalaangona ange hainga gu hagasauaa, ma hagamodu aagu e agoago adu ai goodou. Gai goodou daudali i mee nei, gi mouli ai goodou ma de hulo gi tae, e kave de henua a Tagi Maolunga, de Maadua o oodou dubuna madagidagi, e gaavadu gi goodou.

Nehemiah 9:29

Koe ne hagakana ange gilaadeu, gi aahe mai ai gilaadeu gi daudali i dau hainga, aagai gilaadeu ne hagamaolunga ma tee daudali i au muna. Gilaadeu ne hagahaisala au mee gu hagasauaa, go mee o tangada e mouli ai noo ia e daudali ai. Gilaadeu ne huuhuli gee i de goe ma de makaga olaadeu lodo, gilaadeu tee hagallongo adu.

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Ezekiel 18:9

Ia e daudali i agu muna gu hagasauaa, ma de kana ange ga daohi agu hagamodu. Tangada bee nei se dangada heohi; ia e mouli naa donu, go de Ia Aamua go Iahweh e hagadaba.

Deuteronomy 30:6

Gai Tagi Maolunga doodou Maadua e tuu dagaholiage naa oodou lodo ma lodo o oodou hagadiilinga, gi aaloha ai goodou i Tagi Maolunga doodou Maadua, i oodou lodo alodahi aama oodou hagasaalunga alodahi, gai gi mouli ai goodou.

Deuteronomy 30:20

ma de aaloha i Tagi Maolunga doodou Maadua, ga hagallongo ange gi ana muna, ma de hagapigi ange gi de ia. Go hiidinga Tagi Maolunga go doodou mouli, gai ia e hai naa gi lagolago oodou laangi e mouli ai, i honga de henua aana gu hagatoo donu ange gi oodou dubuna madagidagi, go Abraham, ma Isaac, aama Jacob.