Leviticus 18:4 - De Beebaa Dabu

⁴ Gai goodou haia gi bei agu muna gu hagamodu ma de daohi agu hainga gu hagasauaa. Go au donu go Iahweh doodou Maadua.

Leviticus 18:4 Referans Kwoze

Leviticus 18:2

“Basa ange gi de gau Israel, hai ange gi gilaadeu, ‘Go au donu Iahweh doodou Maadua.

John 15:14

Goodou ni soa donu niiogu, noo goodou e daudali i agu muna e tala adu gi goodou.

Ezekiel 36:27

Gai au e hhao adu naa dogu Hagasaalunga gi oodou lodo, ma de hagangaalue goodou gi daudali i agu mee gu hagasauaa, aama de kana ange ga daohi agu hainga.

Ezekiel 20:19

Go au donu go Iahweh doodou Maadua; goodou daudali i agu muna gu hagasauaa ma de kana ange ga daohi agu hainga ga hai hegau ai.

Psalm 119:4

Koe gu lava i de hagaduu au muna gu hagasauaa gai dangada gi kana ange gi daohia.

Deuteronomy 6:1

Aanei muna, ma hainga gu hagasauaa, aama hagamodu a Tagi Maolunga doodou Maadua ne gaamai, au gi agoago ina adu ai goodou; gai goodou ga daohi ai mee nei, i doodou tae gi de henua oodou ga hulo naa e kave i de baasi laa o Jordan,

Leviticus 20:22

Gai goodou daohia agu mee alodahi gu hagasauaa ma agu mee gu hagamodu adu gi goodou ma gi daudali ai, gi dee lueia mai ai goodou e de henua aagu e kave goodou gi nnoho ai.

Leviticus 19:37

Goodou hai hegau i agu muna alodahi gu hagasauaa ma agu hagamodu mage daudali ai. Go au donu go Iahweh.’ ”

Leviticus 18:26

Aagai goodou gi daohia agu hainga gu hagasauaa ma agu hagamodu. Gai goodou ma de gau henua gee i oodou daha gi dee haia denga mee hakino gee nei,

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Ezekiel 37:24

Gai dogu dangada hai hegau go David e hodooligi naa i olaadeu elunga, gai gilaadeu alodahi gu dahi donu huu olaadeu dangada hagaloosi. Gai gilaadeu gi daudali ai naa i agu hagamodu ma de kana ange ga daohi agu mee gu hagasauaa.

Psalm 105:45

gai gilaadeu ga daohi ai ana muna gu hagasauaa, ma de daudali i ana hainga. Duuhia Tagi Maolunga!

Leviticus 18:5

Goodou daohia agu muna gu hagasauaa ma agu hagamodu, go mee e maua ai gi mouli tangada noo ia e hai hegau ai. Go au donu go Iahweh.

Leviticus 19:19

Koe gi daohia agu mee gu hagasauaa. Aude hagahai dama ina dau manu i dahi hagadaagangaa manu gee. Aude dooa dau veelenga i e lua hagadaagangaa golee. Aude gahu i malo e hai i e lua hagadaagangaa huga malo.