Leviticus 18:25 - De Beebaa Dabu

²⁵ De henua ne hakino gee hogi, gai au ne hagaduasala de henua i hiidinga ono baubau, gai de henua ga luei mai dangada e nnoho ai.

Leviticus 18:25 Referans Kwoze

Leviticus 18:28

Gai de henua e lueia mai naa hogi goodou, i doodou hai ga hakino gee de henua, bei dana hai ne hai ai denga huaahenua nogo nnoho i de henua i mua doodou loomai.

Jeremiah 2:7

Au ne gaamai goodou gi dahi henua iai hua lagolago, gai goodou ga gai ono hua aama mee danuaa iai. Aagai goodou ne loomai ga hai gi hakino gee dogu henua, aama de hai gi dee gilimalali de huaahenua o dogu boolonga.

Jeremiah 9:9

E aha, e dee heohi dagu hagaduasala gilaadeu i hiidinga o de mee nei? go Tagi Maolunga e hagadaba. Gai e aha, e dee heohi dagu sui ange hegau a dahi huaahenua e haia mee nei?”

Psalm 106:38

gilaadeu ne hai ga ssali dodo o dangada e dee haisala, go dodo o alaadeu dama daane ma damaa hine, go dama alaadeu ne sigidaumaha ange gi denga diinonga o Canaan; gai de henua gu hakino gee i denga dodo.

Hosea 2:13

Au e hagaduasala naa ia i hiidinga laangi aana nogo dudu ai mee maanongi ange gi denga Baal; ia ne hagalaagii ia i denga buulei ma hadu hagamogomogo, ga doolohi saele ai ono dau soa, aagai ia gu ngalo donu au, go Tagi Maolunga e hagadaba.

Jeremiah 23:2

Gai e hagadaba Tagi Maolunga de Maadua o Israel, i dagodo o de gau hagaloosi e diiloo ange ogu dangada: “Go hiidinga goodou gu dugu agu ssiibi gi hulo, tee tilo ange gilaadeu, au e hagaduasala naa goodou i hiidinga oodou hegau baubau, go Tagi Maolunga e hagadaba.

Jeremiah 16:18

Gai au e hai naa gi lua hanonga e kii ange ai delaadeu hagaduasala i hiidinga olaadeu baubau ma olaadeu haisala, go hiidinga gilaadeu gu hai ma gu dee gilimalali dogu henua i olaadeu diinonga hakino gee e dee mouli laa, ma de hai gi dohu de huaahenua o dogu boolonga i olaadeu diinonga hakino gee.”

Jeremiah 14:10

E hagadaba Tagi Maolunga i dagodo o de huaadangada nei: “Gilaadeu e llodo mmao e hulo gee mai i ogu daha; gilaadeu e dee llodo donu e nnoho donu huu Deelaa ai, Tagi Maolunga e dee malangilangi donu i gilaadeu; ia e dee ngalo naa hogi olaadeu baubau gai ia e hagaduasala gilaadeu i hiidinga olaadeu haisala.”

Jeremiah 5:29

E aha, e dee heohi dagu hagaduasala gilaadeu i hiidinga o mee nei? go Tagi Maolunga e hagadaba. E dee heohi dagu sui ange hegau a dahi huaahenua bee nei?

Jeremiah 5:9

E aha, au e dee hagaduasala naa gilaadeu i hiidinga o mee nei? go Tagi Maolunga e hagadaba. E aha, au e dee sui ange naa hegau a de huaahenua e haia mee nei?

Isaiah 26:21

Tilo, Tagi Maolunga gu dai sao mai naa i dono mommee e hagaduasala dangada o henua i lalo i hiidinga olaadeu baubau; gai gilaadeu gu daia laa ma gu maakau e gidee mai naa i henua i lalo; henua i lalo gu dee maua i de hagammuni ana dangada ne daa ga maakau.

Deuteronomy 18:12

Tangada e haia mee nei se dangada hakino gee i daho Tagi Maolunga, i hiidinga go hegau hakino bee nei a Tagi Maolunga doodou Maadua, ne aau gee ai laa denga huaahenua mai i oodou mada i mua.

Romans 8:22

Gidaadeu e iloo bolo denga mee ne hagadau e bei dagodo o de hine haanau i dono mmae i de masavaa e hai ai ono hagalangona, ga dae mai ai gi iainei.

Hosea 9:9

Dangada gu kona donu de baubau, bei denga laangi i Gibeah. De Maadua e hagamaanadu naa donu olaadeu baubau, ma de hagaduasala gilaadeu i hiidinga olaadeu haisala.

Isaiah 24:5

Dangada gu hai gi hakino gee henua i lalo, gilaadeu tee daudali i denga hainga, gilaadeu gu hagahaisala mee gu lava i de hagasauaa, ma de oha de hagatoo donu hagaheloongoi dee ngado mai laa.

Psalm 89:32

au e hagaduasala naa gilaadeu i de laagau i hiidinga olaadeu haisala, ma de hagailiili gilaadeu i hiidinga olaadeu baubau;

Deuteronomy 9:5

E dee go hiidinga goodou e heohi aabe go de heohi oodou lodo, ne maua ai e goodou i de kave delaadeu henua; aagai go hiidinga delaadeu baubau, gai Tagi Maolunga doodou Maadua ga hai gilaadeu gi hulo gee mai i oodou mada i mua, gai ia e hagasula de hagatoo donu aana gu hagatoo donu ange ai gi oodou dubuna madagidagi, go Abraham, ma Isaac, aama Jacob.

Hosea 8:13

Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.

Leviticus 18:26

Aagai goodou gi daohia agu hainga gu hagasauaa ma agu hagamodu. Gai goodou ma de gau henua gee i oodou daha gi dee haia denga mee hakino gee nei,

Deuteronomy 21:23

gai goodou gi dee dugua dono angaanga gi daudau i de manu laa i de boo laa alodahi. Aagai danumia dono angaanga i de laangi laa donu huu, go hiidinga tangada e daudau i de manu somo gu hagamalaia i daho de Maadua. Deelaa ai, goodou gi dee haia gi hakino gee de henua a Tagi Maolunga doodou Maadua e gaavadu gi goodou gi henua ai.

1 Kings 21:26

Ia ne hai denga hegau hakino gee i dono daudali ange i denga diinonga, bei hegau a de gau Amor a Tagi Maolunga ne hai laa gi hulo gee mai i daho de gau Israel.)

Ezra 9:11

go muna aau gu tala i daho oo dangada hai hegau go denga pelaabisi, e hai ange, ‘De henua omaadeu ne loomai nei e henua ai gu hakino gee i dahulinga baubau alodahi a dangada e nnoho ai, gai de henua alodahi gu honu i alaadeu dahulinga hakino gee, mai i dahi bido ga dae ai gi de bido ange laa.