Leviticus 16:34 - De Beebaa Dabu

³⁴ Deenei de hainga gu hagasauaa adu gi goodou ga hano ai, gai de tala ai haisala e hai ange gi de gau Israel i e dahi hanonga i de ngadau.” Gai Moses ne hai mee laa, bei de hai a Tagi Maolunga gu tala ange gi de ia.

Leviticus 16:34 Referans Kwoze

Hebrews 9:7

Aagai go tangada haimeedabu maolunga donu huu e maua i de ulu gi lo te aabi e mua gi lodo, gai e dahi donu huu ono hanonga e ulu ai i de ngadau, gai ia e dee maua i de ulu gi kilaa noo e deai dodo e kave madali ia, gai ia ga hai ai ssigidaumaha i hiidinga o ono haisala aama haisala o dangada gu hai laa gai se tee hagabau.

Hebrews 9:25

Ia tee hanage hogi gi de langi e gaavange ia e hai ai ssigidaumaha i hanonga lagolago, bei de hai a tangada haimeedabu maolunga e kave ai laa hanu dodo e ulu ai i de Aabi Dabu mmao laa i ngadau alodahi, gai dodo laa e dee niiona donu.

Exodus 30:10

Dahi hanonga i de ngadau, gai Aaron e hagagilimalali hanga o de mommee o ssigidaumaha o mee maanongi, i dodo o ssigidaumaha e tala ai laa haisala. De mee nei e hai, i ngadau alodahi ange gi denga atangada e loomai. De mommee nei e dabu mmao ange gi Tagi Maolunga.”

Hebrews 10:14

Gai ne dahi donu huu ana sigidaumaha ne hai ga hagaheohi ai ga hano ai, gilaadeu ne hai laa ga dabu.

Hebrews 10:3

Aagai denga sigidaumaha laa se mee e hagamaanadu ai denga haisala i ngadau alodahi,

Numbers 29:7

“ ‘Gai de madaangahulu laangi o de hidu malama nei, gai goodou hagabuni daumaha, ma de hagamaolalo goodou; gai goodou aude haia ai dahi hegau daudahi.

Leviticus 23:31

Goodou aude haia ai donu hanu hegau. De mee nei se hainga gu hagasauaa ange gi oodou atangada alodahi ga hano ai i mommee alodahi oodou e nnoho ai.

Exodus 27:21

Gai de mee dugu laama e hagaduu i lo te hale malo hagabuni, i tua de malo e buibui ai laa de aabi o de ngavesi o de tala hagadonu; gai Aaron ma ana dama daane gi haulasia denga laama i mada luu mada o Tagi Maolunga, gi ula mai i de ahiahi ga dae ai gi taiao. De mee nei se hainga ange gi de gau Israel ma olaadeu atangada alodahi ga hano ai.

Leviticus 17:1

Gai Tagi Maolunga ne hai ange gi Moses,

Leviticus 23:28

Goodou aude haia dahi hegau daudahi i de laangi nei; i hiidinga go de Laangi o de Tala Haisala, gi maatala i oodou haisala i mada luu mada o Tagi Maolunga doodou Maadua.

Exodus 39:43

Gai Moses ga tilo huu denga hegau alodahi gu hai, gai ia gu gidee bolo gilaadeu ne hai mee alodahi gi bei muna a Tagi Maolunga. Gai Moses ne hagamanuuia gilaadeu.

Leviticus 3:17

De mee nei se mee gu hagasauaa adu gi goodou ma oodou atangada alodahi, i mommee alodahi oodou e nnoho ai ga hano ai: goodou e dee gai donu denga mee moomuna ma dodo.’ ”

Leviticus 16:2

Gai Tagi Maolunga ne hai ange gi Moses, “Daalaa ange gi doo daina go Aaron, ia gi dee humai gi lo te Aabi Dabu mmao, i lo te malo buibui i mada i mua o de pono o de tala haisala i honga de ngavesi o te hainga, i de masavaa aana e hilihili, gi dee magau ai ia. Go hiidinga au e hagasula mai i lo te hagausinga i honga de pono laa.

Leviticus 24:23

Gai Moses ne tala ange muna nei gi de gau Israel; gai gilaadeu ga hagasao mai tangada ne hagangadi mee ina laa de ingoo dabu laa, ga kave gi tua de mommee nnoho gaainga, ga maga ia gu magau i hadu. Gai de gau Israel ne hai donu ga bei muna a Tagi Maolunga gu tala ange gi Moses.