Leviticus 16:31 - De Beebaa Dabu

³¹ De laangi nei se Sabbath e hagammabu ai goodou ma de hagahiikai ai; de mee nei se hainga gu hagasauaa ga hano ai.

Leviticus 16:31 Referans Kwoze

Leviticus 23:32

Gai de laangi nei se Sabbath e hagammabu ai goodou, gai goodou ga hagahiikai; gai e daamada i de ahiahi o ssiva laangi o de malama, gai goodou ga dao Sabbath ga dae ai gi de ahiahi mai ange laa.”

Isaiah 58:5

E aha, deenei de hagahiikai oogu e lodo ai, e dahi donu huu laangi a tangada e hagamaolalo ai ono lodo? E aha, go dono ino gi lalo bei dahi madila, ma de dagodo i honga dahi malo daladala aama lehu? Gai goodou e hagataba bolo se hagahiikai abodonu deenaa, e dahi laangi e malangilangi ai Tagi Maolunga?

Isaiah 58:3

Gilaadeu e hagataba, ‘Gu aha gu hagahiikai ai gimaadeu gai de Maadua e dee gidee donu? Gai gu aha gu hagamaolalo ai gimaadeu, gai koe e dee anga mai donu?’ Gai de laangi oodou ne hagahiikai ai, gai goodou e hai donu huu oodou mee e malangilangi ai, goodou ne vaivai hai oodou dangada hai hegau alodahi.

Leviticus 25:4

Aagai de hidu ngadau naa huu, gai de gelegele e hagamabu i Sabbath ange gi Tagi Maolunga. Goodou e dee doo oodou gelegele, aabe e velevele oodou veelengaa grape.

Exodus 35:2

E ono laangi e hai ai oodou hegau, aagai de hidu laangi se Sabbath dabu, se laangi hagammabu gu hagadabu ange gi Tagi Maolunga; gai be goai naa huu e haia ai hanu hegau, gai ia e daa donu gi magau.

Exodus 31:15

E ono laangi e hai ai hegau, aagai de hidu laangi go Sabbath, se laangi hagammabu, ma de hagadabu ange gi Tagi Maolunga; be goai e haia hanu hegau i de laangi o Sabbath e daa donu gi magau.

Ezra 8:21

Gai au ne hagailoo bolo ga hai dahi masavaa o de hagahiikai i gaogao ssaalingaa vai go Ahava, gai gimaadeu ga hagamaolalo ai gimaadeu i mada luu mada o demaadeu Maadua, ga dangidangi ange ia gi dagina gimaadeu, ma amaadeu gauligi aama omaadeu goloa alodahi.

Daniel 10:12

Gai ia ga hai mai gi de au, “Daniel, aude madagu. Mai i tahi laangi aau ne ssala ai gi donu ange goe ma de hagamaolalo goe i mada luu mada o doo Maadua, gai ia gu langona au muna, gai au ne humai i hiidinga o au muna.