Leviticus 16:29 - De Beebaa Dabu

²⁹ De hainga nei gu hagasauaa adu gi goodou ga hano ai: de hagamadaangahulu laangi naa huu o de hidu malama, gai goodou alodahi ma de gau henua gee i oodou magavaa gi hagahiikai, gai e deai hogi hegau oodou e hai;

Leviticus 16:29 Referans Kwoze

Isaiah 58:3

Gilaadeu e hagataba, ‘Gu aha gu hagahiikai ai gimaadeu gai de Maadua e dee gidee donu? Gai gu aha gu hagamaolalo ai gimaadeu, gai koe e dee anga mai donu?’ Gai de laangi oodou ne hagahiikai ai, gai goodou e hai donu huu oodou mee e malangilangi ai, goodou ne vaivai hai oodou dangada hai hegau alodahi.

Numbers 29:7

“ ‘Gai de madaangahulu laangi o de hidu malama nei, gai goodou hagabuni daumaha, ma de hagamaolalo goodou; gai goodou aude haia ai dahi hegau daudahi.

Daniel 10:12

Gai ia ga hai mai gi de au, “Daniel, aude madagu. Mai i tahi laangi aau ne ssala ai gi donu ange goe ma de hagamaolalo goe i mada luu mada o doo Maadua, gai ia gu langona au muna, gai au ne humai i hiidinga o au muna.

Isaiah 58:5

E aha, deenei de hagahiikai oogu e lodo ai, e dahi donu huu laangi a tangada e hagamaolalo ai ono lodo? E aha, go dono ino gi lalo bei dahi madila, ma de dagodo i honga dahi malo daladala aama lehu? Gai goodou e hagataba bolo se hagahiikai abodonu deenaa, e dahi laangi e malangilangi ai Tagi Maolunga?

Psalm 35:13

De masavaa olaadeu ne mmagi ai, gai au ne gahu i malo daladala, ma de hagahiigai, gai au ne ino gi lalo ga dalodalo, gai tee basa mai.

Leviticus 23:36

E hidu laangi oodou e hai ai ssigidaumaha i de ahi ange gi Tagi Maolunga; gai de valu laangi se laangi hagabuni dabu niiodou ma de hai ai oodou sigidaumaha i de ahi ange gi Tagi Maolunga. De mee nei se laangi hagabuni niiodou; gai goodou aude haia ai hanu hegau.

Leviticus 23:21

Gai goodou ga hagailoo i de laangi laa donu huu, de hai de hagabuni dabu; gai goodou gi dee haia ai dahi hegau daudahi. De mee nei se hainga gu hagasauaa adu gi goodou i mommee alodahi oodou e nnoho ai, i oodou atangada alodahi ga hano ai.

Exodus 20:10

aagai de hidu laangi go Sabbath a Tagi Maolunga doo Maadua, aude haia ai dahi hegau daudahi, go koe ma dau dama daane, ma dau damaa hine, ma doo daane hai hegau, ma doo hahine hai hegau, ma au manu, aama tangada henua gee e nnoho i oo daha.

Hebrews 4:10

go hiidinga tangada gu ulu i de hagamaabunga a de Maadua gu hagamabu mai hogi i ana hegau, bei de hai o de Maadua ne hagamabu ai laa i ana hegau.

1 Corinthians 11:31

Aagai noo gidaadeu e hagamodu donu huu odaadeu dagodo, gai gidaadeu e dee hagaduasala.

Daniel 10:3

Au tee gai hanu gai mammami be ni giidagi, aabe ne unu uvaini, au tee hulu hogi au i lolo ga dae ai gi de odi tolu uvigi.

Isaiah 58:13

Noo koe e dee oha Sabbath, ma tee hai oo mee e lodo ai i dogu laangi dabu, ma de hagabinga Sabbath bolo se laangi hagamalangilangi, ma de hagaingoo ange de laangi dabu o Tagi Maolunga bolo se laangi hagadubu, gai noo koe e hagadubu de laangi laa ga dee hai donu huu au hegau, ma de hagamalangilangi donu huu goe, aama tee tala ai hanu ngadi muna,

Psalm 69:10

De masavaa oogu e dangi ai ma de hagahiigai, gai au ne hagadogaa ina.

Ezra 3:1

Gai de hidu malama huu, gai de gau Israel gu nnoho i olaadeu aduhale donu, gai dangada alodahi ne hagabuni mai gi Jerusalem i de lodo daudahi.

1 Kings 8:2

Gai daane alodahi o Israel ne hagabuni mai gi daho de hodooligi go Solomon, i de masavaa o taonga i de hidu malama go Ethanim.

Leviticus 23:3

“ ‘E ono laangi oodou e hai ai oodou hegau; gai de hidu go de laangi o Sabbath e hagammabu ai goodou, gai se laangi hagabuni dabu niiodou. Goodou e dee hai ai hanu hegau; de laangi nei go Sabbath a Tagi Maolunga adu gi goodou, i mommee alodahi oodou e nnoho ai.

Exodus 30:10

Dahi hanonga i de ngadau, gai Aaron e hagagilimalali hanga o de mommee o ssigidaumaha o mee maanongi, i dodo o ssigidaumaha e tala ai laa haisala. De mee nei e hai, i ngadau alodahi ange gi denga atangada e loomai. De mommee nei e dabu mmao ange gi Tagi Maolunga.”

Exodus 12:16

Gai de hagadahi laangi ma de hagahidu laangi o denga laangi nei, gai goodou ga hagabuni ga daumaha, gai e deai donu oodou hegau e hai i luu laangi nei, gai go de hai donu huu gai a dangada e gai.

Acts 27:9

Gai ne lagolago laangi ne too, gai gu hagamanavasaa donu i de dele, go hiidinga gu ui de masavaa o de hagahiikai. Gai a Paul ne basa ange gi gilaadeu,

Exodus 31:14

Gai goodou dao ina de laangi o Sabbath, i hiidinga se laangi dabu niiodou. Be goai e dee hagadabu ina Sabbath, gai ia e daa donu gi magau; gai be goai e hai hegau i de laangi laa, gai ia e vvae gee donu mai i daho dono huaadangada.

Exodus 31:15

E ono laangi e hai ai hegau, aagai de hidu laangi go Sabbath, se laangi hagammabu, ma de hagadabu ange gi Tagi Maolunga; be goai e haia hanu hegau i de laangi o Sabbath e daa donu gi magau.

Leviticus 3:17

De mee nei se mee gu hagasauaa adu gi goodou ma oodou atangada alodahi, i mommee alodahi oodou e nnoho ai ga hano ai: goodou e dee gai donu denga mee moomuna ma dodo.’ ”

1 Samuel 7:6

De masavaa o dangada ne hagabuni i Mizpah, gai gilaadeu ne asu mai vai ga llingi i mada luu mada o Tagi Maolunga, ma de hagahiikai i de laangi laa, ga hagataba, “Gimaadeu gu haisala ange gi Tagi Maolunga.” Gai Samuel ne noho i Mizpah ga dagi ai de gau Israel.

Ezra 8:21

Gai au ne hagailoo bolo ga hai dahi masavaa o de hagahiikai i gaogao ssaalingaa vai go Ahava, gai gimaadeu ga hagamaolalo ai gimaadeu i mada luu mada o demaadeu Maadua, ga dangidangi ange ia gi dagina gimaadeu, ma amaadeu gauligi aama omaadeu goloa alodahi.

Leviticus 25:9

Gai goodou ga ili de hanga manu i de madaangahulu laangi o de hidu malama; de Laangi o de Tala Haisala, gai goodou ga ili de hanga manu i honga de henua alodahi.