Leviticus 16:20 - De Beebaa Dabu

²⁰ Gai de masavaa naa huu e lava ai dana hagagilimalali de Aabi Dabu mmao, ma de hale malo hagabuni aama de mommee o ssigidaumaha, gai ia gi gaamai de guudi goi mouli laa.

Leviticus 16:20 Referans Kwoze

Ezekiel 45:20

Gai goodou haia hogi de hegau nei i de hidu laangi o de malama, ange gi tangada gu haisala, gai ia tee se hagabau aabe ne hai i dana dee iloo, gai goodou ga hai ai gi gilimalali de temple.

Leviticus 16:16

Gai ia e hai de mee nei e tala ai haisala o de Aabi Dabu mmao, i hiidinga de hakino gee ma de hagamaanege o de gau Israel, e dee hilihili donu be ni haisala aha alaadeu ne hai. Ia gi haia hogi bee nei de hale malo hagabuni, go de hale e duu laa i olaadeu magavaa ma alaadeu mouli dee gilimalali.

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

Colossians 1:20

gai de Maadua ne malangilangi i de hagadanuaa olaadeu magavaa ma mee alodahi e dee hilihili be go mee i henua i lalo aabe go mee i de langi, ga hai ai gi maua de nnoho paba i dodo o Klisdo i honga de laagau lui.

2 Corinthians 5:19

deenei tagodo, de Maadua ne hagadanuaa olaau magavaa ma henua i lalo i daho Klisdo, ia tee dau ange olaadeu haisala gi gilaadeu, gai gu dugu mai gi gidaadeu gi agoagona dagodo o de hagadanuaa magavaa.

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

Romans 4:25

Ia ne gaavange e daa gi magau i hiidinga odaadeu haisala, gai ne mouli age ange e hagaheohi ai gidaadeu.

Leviticus 8:15

Gai Moses ga daa gu magau de manu laa ga hagasulu ange dono madannia gi lodo ono dodo, ga hulu ange gi denga hanga i honga de mommee o ssigidaumaha, ga hagagilimalali ai de mommee o ssigidaumaha laa. Gai ia ga llingi ange denga dodo e doe laa gi tahido o de mommee o ssigidaumaha, e hagadabu ai, gai gi gilimalali ai.

Leviticus 6:30

Aagai e deai donu kano o de manu o ssigidaumaha o haisala e gai, go de manu e kave laa hanu ono dodo gi lo te hale malo hagabuni e tala ai haisala i de mommee dabu; gai e dudu donu i de ahi.

Leviticus 16:19

Gai ia gi hagatoo madaua ange hanu dodo gi honga de mommee o ssigidaumaha laa i dono madannia i e hidu hanonga, e hagadabu ai ma de hagagilimalali ai mai i dahulinga dee gilimalali a de gau Israel.

Leviticus 16:21

Gai Aaron gi dugua ange luoono lima gi honga de biho o de guudi mouli laa, ga tala baubau o de gau Israel i honga de manu laa, ma olaadeu dee heohi, aama olaadeu haisala alodahi, ga dugua ange gi honga de biho o de guudi laa, ga gaavange gi tangada gu baba ange laa e hai de hegau laa, gai ia ga hai gi hano gi de vao.