Leviticus 16:15 - De Beebaa Dabu

¹⁵ Gai ia gi daia de guudi e hai ai laa ssigidaumaha o haisala o de gau Israel, ga kave ono dodo gi lo te malo buibui, gai ia gi haia dodo laa bei dana hai ne hai ai laa dodo o de kaau daane: ia gi hagatoo madaua ina ange gi honga de pono o de tala haisala aama de aloalo o de pono laa.

Leviticus 16:15 Referans Kwoze

Hebrews 9:7

Aagai go tangada haimeedabu maolunga donu huu e maua i de ulu gi lo te aabi e mua gi lodo, gai e dahi donu huu ono hanonga e ulu ai i de ngadau, gai ia e dee maua i de ulu gi kilaa noo e deai dodo e kave madali ia, gai ia ga hai ai ssigidaumaha i hiidinga o ono haisala aama haisala o dangada gu hai laa gai se tee hagabau.

Hebrews 9:12

Gai ia tee ulu madali dodo o denga guudi ma kaau gauligi, aagai ia ne ulu gi lo te Aabi Dabu mmao laa i e dahi donu huu hanonga madali ono dodo donu, gai ia ga hai ai gi maua de mouli e dee ngado mai.

Hebrews 9:3

Gai de baasi laa o de lua malo buibui go de aabi e hagaingoo ange laa go de Aabi Dabu mmao,

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Hebrews 6:19

De tali hagalodolodo nei e dee haisala donu gai e dee ngalungalue, gai go de ataula e hagamakaga ange aagena odaadeu lodo, gai e hano ga ulu gi lo te aabi e mua gi lodo, i baasi lodo o de malo buibui,

Hebrews 5:3

Gai go hiidinga ia e baageaa hogi, deelaa ai, ia e hai hogi ssigidaumaha e tala ai ono haisala donu aama haisala o dangada ange laa.

Leviticus 16:2

Gai Tagi Maolunga ne hai ange gi Moses, “Daalaa ange gi doo daina go Aaron, ia gi dee humai gi lo te Aabi Dabu mmao, i lo te malo buibui i mada i mua o de pono o de tala haisala i honga de ngavesi o te hainga, i de masavaa aana e hilihili, gi dee magau ai ia. Go hiidinga au e hagasula mai i lo te hagausinga i honga de pono laa.

Hebrews 7:27

Ia e dee bei dagodo o de gau haimeedabu maolunga ange laa; ia e dee aheahe ange e hai ssigidaumaha i laangi alodahi, e tala ai ono haisala donu, gai muli mai go haisala o de huaadangada. Aagai ne dahi donu huu hanonga aana ne hai ai ssigidaumaha i dono angaanga donu, i hiidinga olaadeu haisala.

Hebrews 9:13

Go hiidinga noo dodo o denga guudi ma kaau madali lehu o de kaau hahine e hagasii laa gi honga olaadeu e dee gilimalali, ne maua i de hai gi dabu ma de hagagilimalali de angaanga o tangada,

Leviticus 4:21

Gai ia gi gaavee de kaau daane laa gi tua de mommee nnoho gaainga ga dudu i de ahi, bei dana hai ne dudu ai laa de kaau daane i taamada. Deenei de hai e hai ai ssigidaumaha o haisala ange gi de huaadangada o Israel.

Leviticus 4:5

Gai tangada haimeedabu maolunga gi gaavee hanu dodo o de kaau daane laa gi lo te hale malo hagabuni;

Numbers 17:11

Gai Moses ne hai donu ga bei muna a Tagi Maolunga gu tala ange ai gi de ia.

Numbers 28:15

Gai gaamai madali ssigidaumaha dudu ma ssigidaumaha o mee unu dahi guudi daane, e hai ai ssigidaumaha o haisala ange gi Tagi Maolunga.