Leviticus 15:27 - De Beebaa Dabu

²⁷ Gai tangada e poo ange gi mee laa gu dee gilimalali; gai ia gi daia ono malo ma de gaugau, gai ia e dee gilimalali ga dae ai gi de ahiahi.

Leviticus 15:27 Referans Kwoze

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.

Ezekiel 36:29

Gai au e hagaola naa goodou mai i oodou dee gilimalali alodahi. Au e hagahi naa denga grain ga hai gi lagolago olaadeu hua, au e dee gaamai ange de onge gi goodou.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Leviticus 15:21

Gai be goai naa huu e poo ange gi dono moenga, gai ia gi daia ono malo ma de gaugau i vai, gai ia gu dee gilimalali ga dae ai gi de ahiahi.

Leviticus 15:13

Gai de masavaa naa huu o tangada e ssali mai ai mee baubau e ieiangi ai, gai ia gi daalia gi hidu laangi i muli mai, gai ia ga taa ono malo ma de gaugau i vai hoou, gai ia gu gilimalali.

Leviticus 15:26

Moenga alodahi oona ne baani ange aagena, i de masavaa e ssali mai ai dodo i de ia gu dee gilimalali, gai e bei ai hogi mee oona e noho ange aagena i de masavaa e hai ai ono magi i de malama, mee alodahi gu dee gilimalali.

Leviticus 15:28

Aagai noo gu tuu de ssali mai mee i de hine laa, gai ia gi daalia gi hidu laangi gi muli mai, gai dua naa huu laangi e hidu laa gai ia gu gilimalali.

Leviticus 11:24

Gai mee nei e hai naa goodou ga dee gilimalali; tangada e poo ange gi de manu gu magau laa, gu dee gilimalali ga dae ai gi de ahiahi.

Numbers 19:22

Gai mee alodahi a tangada dee gilimalali laa e poo ange aagena gu dee gilimalali hogi; gai dangada alodahi oona e poo ange aagena gu dee gilimalali hogi ga dae ai gi de ahiahi.”