Leviticus 15:21 - De Beebaa Dabu

²¹ Gai be goai naa huu e poo ange gi dono moenga, gai ia gi daia ono malo ma de gaugau i vai, gai ia gu dee gilimalali ga dae ai gi de ahiahi.

Leviticus 15:21 Referans Kwoze

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

Hebrews 9:26

Noo deenei tagodo, gai Klisdo ne aheahe ange ga hagaduasala mai i taamada de hai o henua i lalo. Aagai tagodo donu, ia ne humai i dahi hanonga daudahi i denga laangi hagaodi nei, e gaavange dono mouli e hai ai ssigidaumaha e kave gee ai haisala.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Isaiah 22:14

Gai de Ia Aamua, Tagi o denga hagabuulinga hebagi ne tala mai de mee nei gi langona e au: “Ni muna abodonu, au e dee degi adu donu gi goodou i de baubau nei, ga dae ai gi doodou maakau,” go de Ia Aamua, Tagi o denga hagabuulinga hebagi e hagadaba.

Leviticus 15:20

Gai mee alodahi o de hine laa e dagodo ange aagena i de masavaa e hai ai ono magi e dee gilimalali, gai mee alodahi oona e noho ange aagena e dee gilimalali.

Leviticus 15:22

Gai be goai naa huu e poo ange gi hanu mee oona gu noho ange laa aagena, gai ia gi daia ono malo ma de gaugau i vai, gai ia e dee gilimalali ga dae ai gi de ahiahi.

Leviticus 11:24

Gai mee nei e hai naa goodou ga dee gilimalali; tangada e poo ange gi de manu gu magau laa, gu dee gilimalali ga dae ai gi de ahiahi.

Numbers 19:22

Gai mee alodahi a tangada dee gilimalali laa e poo ange aagena gu dee gilimalali hogi; gai dangada alodahi oona e poo ange aagena gu dee gilimalali hogi ga dae ai gi de ahiahi.”