Leviticus 14:8 - De Beebaa Dabu

⁸ Gai tangada gu ieiangi laa gi daia ono malo, mage dahia ono ngaangaaulu alodahi, ga gaugau i vai, gai ia gu gilimalali. Gai dua naa huu mee nei gai ia gu maua i de ahe mai gi de mommee nnoho gaainga, gai ia gi dee ulu i dono hale i e hidu laangi.

Leviticus 14:8 Referans Kwoze

Leviticus 11:25

Gai tangada e dagidagina dahi manu magau i mee nei, e taa ono malo, gai ia e dee gilimalali ga dae ai gi de ahiahi.

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,

Numbers 8:7

Gai deenei dau hai e hai ai gi gilimalali gilaadeu: hagatoo madau ange denga vai hagagilimalali gi gilaadeu, gai gilaadeu ga dahi ngaangaaulu i olaadeu angaanga alodahi, ga taa olaadeu malo ga hai gi gilimalali gilaadeu.

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

2 Chronicles 26:21

Gai de hodooligi go Uzziah ne magi lebelaa ga dae ai gi dono magau. Ia ne noho i dahi hale gee, go hiidinga ia e magi lebelaa, ia gu dee alaange i de hano gi de hale o Tagi Maolunga. Gai go dana dama go Jotham e dagina dangada i dono hale aama dangada i honga de henua.

Leviticus 14:20

gai ia gi haia ssigidaumaha dudu aama ssigidaumaha o grain i honga de mommee o ssigidaumaha. Deenei de hai a tangada haimeedabu e tala ai haisala o tangada laa, gai ia gu gilimalali.

Leviticus 14:9

Gai dua naa huu e hidu laangi gai ia gi dahia dono biho ma dono gumigumi, ma luoono huluhulu mada, aama ngaangaaulu alodahi i dono angaanga. Gai ia gi daia ono malo, ga gaugau i vai, gai ia gu gilimalali.

Leviticus 8:6

Gai Moses ga gaamai Aaron ma ana dama daane ga hagagilimalali gilaadeu i vai.

Exodus 19:14

Gai Moses ne ahe iho i de mounga gi daho dangada, ga hagadabu gilaadeu; gai gilaadeu ga taa olaadeu malo.

Exodus 19:10

Gai Tagi Maolunga ga hai ange gi Moses, “Ahe iho gi daho dangada mage hagadabu ina gilaadeu, ma de hai gilaadeu gi daaia olaadeu malo alodahi gi gilimalali ailaa nei aama daiao;

Leviticus 15:13

Gai de masavaa naa huu o tangada e ssali mai ai mee baubau e ieiangi ai, gai ia gi daalia gi hidu laangi i muli mai, gai ia ga taa ono malo ma de gaugau i vai hoou, gai ia gu gilimalali.

Numbers 6:9

Gai noo dahi dangada e daa hagalele donu huu ga magau i ono gaogao, ga hai gu dee gilimalali dono biho gu hai laa ma gu dabu, gai ia gi daalia gi hidu laangi i dua de hai mee laa, gai ia ga dahi dono biho, gai ia gu ahe ange ga gilimalali.

Deuteronomy 21:12

Gai koe gaavee de hine laa gi doo hale, ga hai ia gi dahia dono biho, ma de duuduu ono angaanga madannia,