Leviticus 14:34 - De Beebaa Dabu

³⁴ “De masavaa naa huu oodou e tae ai gi de henua go Canaan, go de henua aagu gu gaavadu e henua ai goodou, gai au gu hai gi hanu dongidongi i dahi hale i de henua laa,

Leviticus 14:34 Referans Kwoze

Deuteronomy 32:49

“Gage age gi de mounga go Abarim, mage hanage gi de mounga go Nebo, i de henua o de gau Moab, i de baasi gee o Jericho, ga tilo adu ai de henua go Canaan, aagu gu dai gaavange gi de gau Israel gi henua ai.

Genesis 17:8

Gai de henua alodahi o Canaan, oou e noho gaainga ai naa, e gaavadu naa gi doo hagadiilinga e loomai i oo dua ga hano ai; gai au e hai naa go delaadeu Maadua.”

Numbers 32:22

gai dua naa huu de hagadee kii o de henua i mada luu mada o Tagi Maolunga, gai goodou gu maua i de aahe mai; gu lava doodou diba hegau ange gi Tagi Maolunga ma de gau Israel. Gai de henua nei gu niiodou mai i daho Tagi Maolunga.

Micah 6:9

De leo o Tagi Maolunga e hagahi ai de aduhale — gai de heiangi abodonu go de madagu i doo ingoo — “Hagallongo ange gi de laagau haele ma de ia ne hagamodu ina.

Amos 6:11

Gai tilo, Tagi Maolunga gu tala hagasoe, gai ia e oha donu de hale laumalie laa gi too dagidahi, gai de hale damaa mee e ssii dagaligiligi.

Amos 3:6

E aha, dangada e dee maatagu laa i de masavaa e ili ai de hanga manu i lo te aduhale? E aha, e maua gi dae mai de hai ngadaa gi dahi aduhale, noo e dee dugua ange e Tagi Maolunga?

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Proverbs 3:33

Tagi Maolunga e hagamalaia de hale o tangada baubau, aagai e hagamanuuia de mommee noho o tangada heohi.

1 Samuel 2:6

Go Tagi Maolunga e daia gi maakau ma de hai gi mouli ⌊tangada⌋; go ia e gave iho gi de mommee o de gau maakau, ma de hagamouli age.

Joshua 13:1

De masavaa o Joshua ne madumadua ai, gai Tagi Maolunga ga hai ange gi de ia, “Koe gu madumadua, gai goi lagolago huu mommee i de henua oodou tigi kave.

Deuteronomy 27:3

Gai goodou ga sisi ange muna o de hainga nei gi honga hadu laa, i de masavaa oodou e hulo ai ga tae gi de mommee a Tagi Maolunga doodou Maadua e gaavadu gi goodou, go de henua iai vai uu ma hooni lagolago, bei de hai a Tagi Maolunga de Maadua o oodou dubuna madagidagi gu hagatoo donu adu ai gi goodou.

Deuteronomy 26:1

De masavaa naa huu oou e dae ai, ga kave de henua a Tagi Maolunga doo Maadua e gaavadu goe gi henua ai ma de noho ai,

Deuteronomy 19:1

De masavaa naa huu a Tagi Maolunga doodou Maadua e daa ai denga huaahenua niiolaadeu de henua, a Tagi Maolunga doodou Maadua e gaavadu gi goodou, gai goodou ga kave delaadeu henua ma olaadeu aduhale aama olaadeu hale ga nnoho ai,

Deuteronomy 12:1

Aanei denga mee gu hagasauaa ma hagamodu oodou e daudali ai, i de henua a Tagi Maolunga de Maadua o oodou dubuna madagidagi, gu gaavadu goodou gi henua ai — i taulooloa doodou mouli i honga de henua.

Deuteronomy 7:15

Gai Tagi Maolunga e hai naa gi dee mmagi goodou i denga hagadaagangaa magi, aagai ia e hai naa gilaadeu e kino i goodou gi mmagi i magi nei.

Numbers 35:10

“Hai ange gi de gau Israel, ‘De masavaa naa huu oodou e tae ai gi de baasi i dai o Jordan, i de henua go Canaan,

Numbers 32:32

Gimaadeu e hagauda omaadeu goloa hebagi, e hulo ai gi baasi dai, i de henua go Canaan, i mada i mua o Tagi Maolunga, aagai gimaadeu e kave demaadeu boolonga i baasi dua o Jordan.”

Leviticus 25:2

“Basa ange gi de gau Israel, hai ange, ‘De masavaa naa huu oodou e hulo ai ga nnoho i de henua aagu e gaavadu gi goodou, gai goodou e hai Sabbath o de gelegele ange gi Tagi Maolunga.

Leviticus 23:10

“Basa ange gi de gau Israel, hai ange, ‘De masavaa naa huu oodou e hulo ai ga nnoho i de henua aagu e gaavadu gi goodou, gai goodou ga hagihagi hua manu i honga o oodou gelegele, gai goodou gaamai gi tangada haimeedabu dahi noodangaa grain mai i oodou grain e hagihagi i taamada.

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

Genesis 13:17

Hannoo seesee gi de looloa ma de lahalaha o de henua, go hiidinga au e gaavadu donu de henua nei gi de goe.”

Genesis 12:7

Gai Tagi Maolunga ga hakide ange gi Abram, ga hai ange, “Au e gaavange naa gi oo hagadiilinga de henua nei.” Gai Abram ne bae dahi mommee o ssigidaumaha ange gi Tagi Maolunga i kilaa, go de ia ne hakide ange laa gi de ia.

Leviticus 14:33

Gai Tagi Maolunga ne hai ange gi Moses ma Aaron,

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”

Leviticus 14:55

ma denga mee dongidongi i malo ma lo te hale,

Leviticus 20:24

Aagai au gu hai adu bolo goodou e kave naa delaadeu henua, gai au e gaavadu naa de henua nei goodou gi henua ai, se henua iai vai uu ma hooni lagolago. Go au donu go Iahweh doodou Maadua, au ne vvae gee goodou mai i denga huaadangada ange laa.